“ரஜினி நடிக்கும் ஜெயிலர்”…. முதல் நாள் படப்பிடிப்பில் அதை தான் எடுத்தாங்கலாம்…!!!!!!

ரஜினி நடிப்பில் உருவாகும் ஜெயிலர் திரைப்படத்தின் அப்டேட் வெளியாகியுள்ளது.

தமிழ் சினிமா உலகில் ஒரு சில படங்களை மட்டுமே இயக்கி பிரபல இயக்குனராக வலம் வருகின்றார் நெல்சன் தீலீப்குமார். இவர் இயக்கத்தில் விஜய் நடிப்பில் அண்மையில் வெளியான பீஸ்ட் திரைப்படம் கலவையான விமர்சனங்களை பெற்றாலும் வசூலில் சாதனை படைத்தது. நெல்சன் தற்போது ரஜினியின் தலைவர் 169-வது திரைப்படத்தை இயக்குகிறார். இத்திரைப்படத்தை சன் பிக்சர்ஸ் தயாரிக்க அனிருத் இசையமைக்கின்றார். இதனால் ரசிகர்களிடையே படம் குறித்த எதிர்பார்ப்பினை அதிகரிக்க செய்திருக்கின்றது.

இத்திரைப்படத்திற்கு ஜெயிலர் என பெயர் வைக்கப்பட்டுள்ளது. இத்திரைப்படத்தில் ரஜினிகாந்த் உடன் ஐஸ்வர்யா ராய், ரம்யா கிருஷ்ணன், பிரியங்கா மோகன், சிவராஜ்குமார் ஆகியோர் நடிக்கின்றார்கள். இந்த நிலையில் இத்திரைப்படத்தின் ஃபர்ஸ்ட் லுக் ஆகஸ்ட் 22-ம் தேதி வெளியாகி உள்ளது. இதை சன் பிக்சர்ஸ் வெளியிட்டுள்ளது. இதில் ரஜினிகாந்த் வயதான தோற்றத்தில் கண்ணாடி அணிந்தபடி இருக்கின்றார்.

இத்திரைப்படத்தின் படப்பிடிப்பு நேற்று முன்தினம் பூஜையுடன் தொடங்கியுள்ளது. முதல் நாள் படப்பிடிப்பில் ரஜினி மற்றும் யோகி பாபு சம்பந்தப்பட்ட காட்சிகள் படமாக்கப்பட்டதாக தகவல் வெளியாகி உள்ளது. இதை அடுத்து மலையாளத்தில் பிரபல நடிகராக வலம் வரும் விநாயகன், ரஜினி மற்றும் யோகி பாபு உடன் இணைந்து நடித்ததாகவும் கூறப்பட்டு வருகின்றது.