தமிழ் சினிமாவின் பிரபல இயக்குனரான பா.இரஞ்சித் இயக்கத்தில் உருவாகி இருக்கும் திரைப்படம் “நட்சத்திரம் நகர்கிறது”. இந்தபடம் முழுக்கமுழுக்க காதல் கதையம்சம் கொண்ட திரைப்படமாக தயாராகி இருக்கிறது. இத்திரைப்படத்தில் காளிதாஸ் ஜெயராம் மற்றும் துஷாரா விஜயன் முண்ணனி கதாபாத்திரங்களில் நடித்து இருக்கின்றனர். அத்துடன் கலையரசன், ஹரிகிருஷ்ணன், சார்பட்டா பரம்பரை படத்தில் டான்ஸிங் ரோஸ் கதாபாத்திரத்தில் நடித்த ஷபீர் உள்ளிட்ட பலர் இத்திரைப்படத்தில் நடித்து இருக்கின்றனர். நீலம் புரொடக்சன்ஸ் மற்றும் யாழிபிலிம்ஸ் இணைந்து தயாரித்து இருக்கும் இந்த படத்துக்கு 2ஆம் போரின் கடைசி குண்டு திரைப்படத்தின் இசையமைப்பாளர் தென்மா இசையமைத்துள்ளார்.
நட்சத்திரம் நகர்கிறது படம் வரும் 31ம் தேதி திரையரங்குகளில் வெளியாகவுள்ளது. இந்த படத்தின் டிரைலர் நேற்று முன்தினம் வெளியாகி அனைவரையும் கவர்ந்து நல்ல வரவேற்பை பெற்றுவருகிறது. இந்த நிலையில் நட்சத்திரம் நகர்கிறது இசை வெளியீட்டுவிழா தொடர்பான அறிவிப்பு இப்போது வெளியாகி இருக்கிறது. அந்த வகையில் இந்த படத்தின் இசை வெளியீட்டுவிழா சென்னையிலுள்ள பீனிக்ஸ் மார்க்கெட் சிட்டியில் இன்று (22/08/2022) மாலை 6 மணிக்கு நடைபெற இருப்பதாகவும் எங்களுடன் சேர்ந்து கொண்டாடுங்கள் எனவும் இயக்குனர் பா.இரஞ்சித் தன் சமூக வலைத்தளத்தின் வாயிலாக ரசிகர்களுக்கு அழைப்பு விடுத்துள்ளார்.