தெலுங்குப் படங்கள் திரையரங்குகளில் வெளியாகி எட்டு வாரங்களுக்குப் பிறகே ஓடிடியில் வெளியீடு செய்யப்படும் என முடிவெடுக்கப்பட்டுள்ளது.
தெலுங்கு திரைப்பட வர்த்தக சபை மற்றும் செயலில் உள்ள தெலுங்கு திரைப்பட தயாரிப்பாளர்கள் சங்கம் ஆகியவை தெலுங்கு திரைப்படங்களை ஓடிடி-இல் திரையிடுவது தொடர்பாக புதிய முடிவை எடுத்துள்ளன. திரையரங்குகளில் வெளியான எட்டு வாரங்களுக்குப் பிறகு படங்கள் ஓடிடி-இல் வெளியிடப்படும் என்று அவர்கள் தெரிவித்தனர். இதற்கான அறிவிப்பு வியாழக்கிழமை வெளியிடப்பட்டது.
தயாரிப்பாளரும், செயலில் உள்ள தெலுங்கு திரைப்பட தயாரிப்பாளர்கள் சங்கத்தின் தலைவருமான தில் ராஜு, ஓடிடி-யில் திரையரங்குகளில் வெளியாகும் படங்களை திரையிடுவதற்கான கால அவகாசம் 8 வாரங்களாக நீட்டிக்கப்படுவதாக அறிவித்துள்ளார். ஓடிடி இயங்குதள உரிமையாளர்களுடன் ஒப்பந்தம் செய்து கொள்ள முடிவு செய்யப்பட்டுள்ளதாகவும் அவர் தெரிவித்தார்.
மல்டிபிளக்ஸ்களில் டிக்கெட், உணவு மற்றும் குளிர்பானங்களின் விலையை ஒழுங்குபடுத்தவும் கூட்டத்தில் முடிவு எடுக்கப்பட்டுள்ளது. இது தொடர்பாக மல்டிபிளக்ஸ் நிறுவனங்களுடன் பேச்சுவார்த்தை நடத்த முயற்சித்து வருகிறது. கட்டணத்தை கட்டுக்குள் கொண்டு வர அனைத்து மல்டிபிளக்ஸ் நிர்வாகமும் நடவடிக்கை எடுக்க வேண்டும் என்று கேட்டுக் கொண்டதாக தில் ராஜு கூறினார்.