கிரிமியாவில் உள்ள ரஷ்ய ராணுவ விமான தளத்தில் கடந்த 9 ஆம் தேதியன்று வெடி விபத்து ஏற்பட்டது.
ரஷ்யாவுடன் இணைந்த கிரிமியாவில் உள்ள ராணுவ விமான தளத்தில் கடந்த 9 ஆம் தேதியன்று வெடி விபத்து ஏற்பட்டுள்ளது. உக்ரைனின் தெற்கில் உள்ள பகுதிகளில் தாக்குதல் நடத்த, கிரிமியாவில் உள்ள சாகி ராணுவ விமான தளம் ரஷ்யாவால் பயன்படுத்தப்பட்டு வருகின்றது. அங்கு நிலை கொண்டிருந்த ரஷ்ய போர் விமானங்கள் இந்த பயங்கர விபத்தில் தீக்கிரையாகின. அங்கு வெடிகுண்டுகள் வெடித்ததால் ராணுவ விமான தளத்தில் தீ விபத்து ஏற்பட்டதாக தெரிவிக்கப்பட்டுள்ளது.
இருப்பினும் அங்கிருந்த போர் விமானங்களுக்கு சேதம் ஏதும் ஏற்படவில்லை என்று ரஷ்யாவின் பாதுகாப்பு அமைச்சகம் தெரிவித்துள்ளது. இந்நிலையில், 7 விமானங்கள் எரிந்து சேதமடைந்துள்ளன என்று தகவல் வெளியாகியுள்ளது. மேலும் இந்த தீ விபத்தில் ஒருவர் உயிரிழந்துள்ளதாகவும் தெரிவிக்கப்பட்டுள்ளது. உக்ரேனிலிருந்து நீண்ட தூர ஏவுகணைகள் அதன் மீது ஏவப்பட்டிருக்கலாம் என்று சந்தேகிக்கப்படுகிறது. ஆனால் அதை உக்ரைன் தரப்பு உறுதிபடுத்தவில்லை. ரஷ்ய தரப்பும் அவ்வாறான செய்திகளை மறுத்துள்ளது.