பிரபல நடிகர் அஜித்தின் புதிய படம் குறித்த தகவல் வெளியாகியுள்ளது.
தமிழ் சினிமாவில் முன்னணி நடிகராக வலம் வரும் தல அஜித் நடிப்பில் சமீபத்தில் வெளியான வலிமை திரைப்படம் கலவையான விமர்சனங்களை பெற்றது. இந்த படத்திற்கு பிறகு எச். வினோத் இயக்கத்தில் நடிகர் அஜித் ஏகே 61 என்ற திரைப்படத்தில் நடித்து வருகிறார். இந்த படத்தை போனி கபூர் தயாரிக்கிறார். இதைத்தொடர்ந்து நடிகர் அஜித் இயக்குனர் விக்னேஷ் சிவன் இயக்கத்தில் புதிய படத்தில் நடிப்பதற்கு ஒப்பந்தமாகியுள்ளார். இந்நிலையில் நடிகர் அஜித்தின் பி அடுத்த படம் குறித்த தகவல் வெளியாகியுள்ளது.
அதன்படி இயக்குனர் விக்னேஷ் சிவன் இயக்கத்தில் நடிகர் அஜித் நடித்து முடித்த பிறகு புஷ்கர் காயத்ரி இயக்கத்தில் புதிய படத்தில் நடிப்பதற்கு ஒப்பந்தமாகியுள்ளாராம். இவர்கள் இயக்கத்தில் வெளியான விக்ரம் வேதா திரைப்படம் மற்றும் சுழல் என்ற வெப் சீரிஸ் ரசிகர்களிடையே நல்ல வரவேற்பை பெற்றது. மேலும் நடிகர் அஜித்திற்கான கதையை புஷ்கர் காயத்ரி தயாரித்து வருவதாகவும் விரைவில் அறிவிப்பு வெளியாகும் எனவும் கூறப்பட்டுள்ளது.