ரயில் பயணிகளுக்கு வேற லெவல் சலுகை….. இப்படியும் ஒரு வசதி இருக்கா?….. இது தெரியாம போச்சே….!!!!

ரயில் டிக்கெட் புக்கிங் செய்பவர்களுக்கு மிக முக்கிய அறிவிப்பு ஒன்று வெளியாகி உள்ளது. நீங்கள் ரயில் பெட்டியையும் போரிங் ஸ்டேஷனையும் இலவசமாக மாற்றிக் கொள்ளலாம்.

நாட்டின் பெரும்பாலான மக்கள் ரயில் பயணத்தை தேர்வு செய்கிறார்கள். ஏனெனில் ரயில் டிக்கெட் செலவு குறைவு என்பதோடு சௌகரியமாகவும் இருக்கும். இதற்காக இந்தியா ரயில்வே தனது பயணிகளின் வசதிக்காக பல சேவைகளை வழங்கியுள்ளது. டிக்கெட் முன்பதிவு செய்யும்போது பெட்டிகளை மாற்றும் வசதியை இந்திய ரயில்வே தற்போது வழங்கியுள்ளது. அதாவது ஸ்லீப்பர் கோச்சியில் முன்பதிவு செய்த பயணிகள் மூணாவது ஏசி கிளாஸ் அல்லது மூன்றாவது ஏ சி கிளாஸ் பயணிகள் இரண்டாவது ஏசி கிளாஸ் போன்ற வகுப்புகளை மாற்றிக் கொள்ளலாம்.

இரண்டாவது ஏசி வகுப்பு பயணிகள் அதே கட்டணத்தில் முதல் ஏசி வசதியை பெற முடியும். அது எப்படி என்றால் இந்த வசதியை பெற பயணிகள் டிக்கெட் முன்பதிவு செய்யும்போது ஆட்டோ அப்கிரேட் என்ற விருப்பத்தை கிளிக் செய்ய வேண்டும். இதற்கு பிறகு இருக்கைகள் இருக்கும் அளவைப் பொறுத்து பயணிகளுக்கு சீட் வசதி மேம்படுத்தி கொடுக்கப்படும். இதனால் ஒவ்வொரு முறை டிக்கெட்டை புதுப்பிக்க வேண்டிய அவசியம் இல்லை. ரயில் பயணிகள் இருக்கை கிடைப்பதற்காக வேறு ரயில்களுக்கு மாற்றும் வசதியும் உள்ளது.

காத்திருப்பு பட்டியல் அடிப்படையில் மற்றொரு ரயிலில் பயணிக்க அனுமதி வழங்கப்படுகிறது. இதற்காக விகல்ப் சேவா வசதி தொடங்கப்பட்டுள்ளது. உறுதி செய்யப்பட்ட டிக்கெட்டை பெற முடியாத பயணிகள் வேறு ரயிலில் இருக்கையை பெறலாம். இதற்கு டிக்கெட் முன்பதிவு செய்யும்போது விகல்ப் சேவா என்ற தேர்வு செய்ய வேண்டும். இந்த வசதியை ரயில்வே உங்களுக்கு வழங்குகின்றது. இந்திய ரயில்வே தனது பயணிகளுக்கு டிக்கெட் மாற்றுவதற்கான விருப்பத்தை வழங்குகின்றது.

புக்கிங் செய்த ஒருவரால் சில காரணங்களால் பயணம் செய்ய முடியாவிட்டால் அவர் தனது குடும்பத்தில் உள்ள எந்த உறுப்பினர் பெயரிலும் டிக்கெட்டை மாற்றிக் கொள்ளலாம். இந்த வசதியின் கீழ் தாய், தந்தை, சகோதரி, மகன், மகள் , கணவன் மற்றும் மனைவி பெயரில் மட்டுமே டிக்கெட்டை மாற்ற முடியும். டிக்கெட் பரிமாற்றம் வசதியைப் போலவே ரயில் ஏறும் போர்டிங் ஸ்டேஷனையும் நம்மால் மாற்ற முடியும். இதற்கு 24 மணி நேரத்திற்கு முன்பாக மாற்றப்பட வேண்டும். உதாரணமாக ஒரு பயணி எக்மோரில் இருந்து டிக்கெட் முன்பதிவு செய்தால் அந்த ரயில் பாதையில் உள்ள வேறு எந்த நிலையத்திலும் நாம் ஏறிக்கொள்ள முடியும்.