பிரபல பாடகர் சுயம்வர நிகழ்ச்சியில் தன்னுடைய மனைவியை தேர்வு செய்துள்ளார்.
தமிழில் அலெக்ஸ் பாண்டியன், ஆக்சன் உள்ளிட்ட சில திரைப்படங்களில் நடித்து பிரபலமானவர் நடிகை ஆகன்ஷா பூரி. இவர் கன்னடம் மற்றும் மலையாள சினிமாவிலும், தமிழில் வெளியான விநாயகர் என்ற பக்தி தொடரில் பார்வதி தேவியாகவும் நடித்துள்ளார். இவர் ஹிந்தி பிக்பாஸ் நிகழ்ச்சியில் கலந்து கொண்டார். இந்நிலையில் பிரபல பாடகரான மிகா சிங் மணமகளை தேர்வு செய்யும் சுயம்வர நிகழ்ச்சி ஒன்று பிரபல தொலைக்காட்சியில் ஒளிபரப்பாகியது.
இந்த சுயம்வர நிகழ்ச்சியில் 12 பேர் கலந்து கொண்டனர். இந்நிலையில் நிகழ்ச்சியின் இறுதி கட்டத்தின் போது மிகா சிங் நடிகை ஆகன்ஷா கழுத்தில் மாலை அணிவித்து மனைவியாக தேர்வு செய்தார். இதனையடுத்து 2 பேரும் தங்களுடைய பெற்றோர்களிடம் ஆசி வாங்கினர். மேலும் ஏற்கனவே மிகா சிங் மற்றும் ஆகன்ஷா ஆகிய 2 பேரும் காதலிப்பதாக கிசுகிசுக்கள் வெளியானது என்பது குறிப்பிடத்தக்கதாகும்.