ரஜினி நடிக்கும் ஜெயிலர் திரைப்படத்தின் அப்டேட் வெளியாகியுள்ளது
தமிழ் சினிமா உலகில் ஒரு சில படங்களை மட்டுமே இயக்கி பிரபல இயக்குனராக வலம் வருகின்றார் நெல்சன் தீலீப்குமார். இவர் இயக்கத்தில் விஜய் நடிப்பில் அண்மையில் வெளியான பீஸ்ட் திரைப்படம் கலவையான விமர்சனங்களை பெற்றாலும் வசூலில் சாதனை படைத்தது. நெல்சன் தற்போது ரஜினியின் தலைவர் 169-வது திரைப்படத்தை இயக்குகிறார். இத்திரைப்படத்தை சன் பிக்சர்ஸ் தயாரிக்க அனிருத் இசையமைக்கின்றார். இதனால் ரசிகர்களிடையே படம் குறித்த எதிர்பார்ப்பினை அதிகரிக்க செய்திருக்கின்றது.
இத்திரைப்படத்திற்கு ஜெயிலர் என பெயர் வைக்கப்பட்டுள்ளது. இந்த நிலையில் படம் குறித்த லேட்டஸ்ட் அப்டேட் வெளியாகி உள்ளது. இத்திரைப்படத்தில் நடிகர் ரஜினிகாந்தின் ஹேர் ஸ்டைலிஸ்ட்டாக ஆலீம் ஹக்கீம் ஒப்பந்தமாகியுள்ளார். மேலும் இவர் ரஜினிகாந்த் உடன் எடுத்துக்கொண்ட புகைப்படத்தை தனது இன்ஸ்டாவில் ஷேர் செய்துள்ளார். இதை பார்த்த ரசிகர்கள் ஆலிம் ஹக்கீம்முக்கு வாழ்த்துக்களை தெரிவித்து வருகின்றனர். இத்திரைப்படத்தின் படப்பிடிப்பு தொடங்குவதற்கு முன்பாகவே படத்தின் கிளிம்ஸ் வீடியோவை படக்குழு வெளியிட திட்டமிட்டு இருப்பதாக செய்தி வெளியாகியுள்ளது.