தி லெஜெண்ட் சரவணன் தான் படத்தில் நடிப்பதற்கான காரணம் குறித்து கூறியுள்ளார்.
சரவணா ஸ்டோர் விளம்பரத்தில் நடித்த கடையின் உரிமையாளரான சரவணன், அவரே விளம்பரத்தில் நடித்து பிரபலமானார். இவர் விளம்பரங்களில் முன்னணி நடிகைகளுடன் நடித்துள்ளார். இந்நிலையில் இவர் தற்போது ஹீரோவாக தி லெஜெண்ட் படத்தில் நடித்துள்ளார். இவர் திரைப்படத்தில் ஹீரோவாக நடித்து அவரே தயாரித்துள்ளார். இப்படத்தின் கதாநாயகியாக பாலிவுட் நடிகை உர்வசி ரவ்தெலா நடித்திருக்கின்றார். இப்படத்தை ஜே.டி மற்றும் ஜெர்ரி இயக்கி உள்ளனர்.மேலும் ஒரு பாடலுக்கு யாஷிகா ஆனந்த் நடனமாடியுள்ளார்.
இத்திரைப்படத்திற்கு ஹாரிஸ் ஜெயராஜ் இசையமைத்துள்ளார். இந்த நிலையில் வருகின்ற ஜூலை 28ஆம் தேதி திரையில் படம் வெளியாக உள்ளதாக அதிகாரப்பூர்வமாக அறிவிக்கப்பட்டிருக்கின்றது. இத்திரைப்படம் பான் இந்தியா திரைப்படமாக வெளியாக இருக்கின்றது குறிப்பிடத்தக்கது.
இந்த நிலையில் படத்தின் ஆடியோ வெளியீடு விழாவில் கலந்துகொண்ட சரவணன் பேசியுள்ளதாவது, நான் தற்பொழுது படங்கள் நடிப்பதற்கு ஒரு காரணம் இருக்கின்றது. எப்படி எனது தொழில் மூலம் பல குடும்பங்கள் பயனடைகின்றதோ அதுபோல நான் நடிக்கும் படங்களின் மூலமாக பல குடும்பங்கள் வாழ்கின்றது. எனவே நான் படம் நடிப்பதற்கு அதுவும் ஒரு முக்கிய காரணம் என கூறியுள்ளார் சரவணன்.