மலையாள இயக்குனர் அனூப் எஸ். பணிக்கர் இயக்கத்தில் அமலாபால் கதாநாயகியாக நடித்திருக்கும் படம் கடாவர் ஆகும். இவற்றில் ஹரிஷ் உத்தமன், முனீஸ்காந்த், திரிகன் (ஆதித் அருண்), பசுபதி, நிழல்கள் ரவி, வினோத் சாகர், வேலு பிரபாகர், ஜெய ராவ், அதுல்யா ரவி, ரித்விகா போன்றோர் முக்கிய கதாபாத்திரத்தில் நடித்து இருக்கின்றனர். அபிலாஷ் பிள்ளை வசனம் எழுதியிருக்கும் இப்படத்திற்கு அரவிந்த்சிங் ஒளிப்பதிவு செய்துள்ளார்.
இந்த படத்திற்கு ரஞ்சின் ராஜ் இசையமைக்க ஷான் லோகேஷ் படதொகுப்பு பணிகளை மேற்கொண்டு உள்ளார். அத்துடன் கிரைம் த்ரில்லர் ஜானரில் தயாராகி உள்ள இப்படத்தில் தடயவியல் துறை நிபுணரான பத்ரா எனும் கதாபாத்திரத்தில் நடிகை அமலாபால் நடித்துள்ளார். இத்திரைப்படம் டிஸ்னி பிளஸ் ஹாட் ஸ்டார் ஓடிடி தளத்தில் பிரத்யேகமாக வெளியிடப்படுகிறது. அமலாபாலின் இந்த புது கதாபாத்திரமானது படத்தின் மீதான எதிர்பார்ப்பை அதிகப்படுத்தி இருக்கிறது.