கேரள மாநிலத்தைச் சேர்ந்தவர் ராஜ்மோகன். 1967ல் வெளியான ‘இந்துலேகா’ படத்தில் நாயகனாக நடித்த அவர் சில படங்களில் முக்கிய கதாபாத்திரங்களை ஏற்றும் நடித்துள்ளார். பின்னர் மனைவியுடன் விவாகரத்து ஏற்பட்டதால் கடந்த 20 ஆண்டுகளாக திருவனந்தபுரத்தில் உள்ள ஆதரவற்றோர் இல்லத்தில் தங்கிவந்த இவருக்கு சில நாட்களுக்கு முன்பு திடீர் உடல்நலக்குறைவு ஏற்பட்டுள்ளது.
இந்நிலையில் திருவனந்தபுரம் அரசு மருத்துவமனையில் ராஜ்மோகன் சிகிச்சை பலனின்றி உயிரிழந்தார். அவருக்கு வயது 80. இவரது மரணம் குறித்து உறவினர்களுக்குத் தெரிவிக்கப்பட்டுள்ளது. இருப்பினும் ராஜ்மோகன் உடலை யாரும் வாங்க முன்வரவில்லை. இதனைத் தொடர்ந்து ராஜ்மோகன் உடலை அரசு சார்பில் தகனம் செய்ய முடிவு செய்யப்பட்டு அதற்கான ஏற்பாடுகள் நடந்து வருகிறது.