அடால்ப்ஹிட்லருக்கு சொந்தமானது என கூறப்படும் கைக் கடிகாரம் ஏலத்துக்கு வைக்கப்பட்டு இருக்கிறது. இந்த தங்க ஆண்ட்ரியாஸ் ஹூபர் ரிவர்சிபிள் கைக் கடிகாரம் சுமார் 2-4 மில்லியன் அமெரிக்க டாலர்களுக்கு விலைபோகும் என தெரிவிக்கப்பட்டுள்ளது. இதில் 4 மில்லியன் அமெரிக்க டாலர் என்பது இந்தியமதிப்பில் சுமார் 31 கோடியாகும். அந்த கைக் கடிகாரத்தில் 3 தேதிகள் இருக்கிறது. அதாவது ஹிட்லருடைய பிறந்த நாள், அவர் ஜெர்மன் நாட்டின் அதிபராக நியமனம் செய்யப்பட்ட நாள், 1933ம் வருடத்தில் நாசிப்படை தேர்தலில் வென்ற நாள்.
இந்த கைக் கடிகாரத்தை அலெக்சாண்டர் ஹிஸ் டோரிகல் எனும் நிறுவனமானது ஏலம்விடுகிறது. கைக்கடிகார தயாரிப்பாளர்கள் மற்றும் ராணுவ வரலாற்று ஆசிரியர்கள் அந்த கடிகாரத்தின் பின்னணியை ஆராய்ந்து அது ஹிட்லர்தான் வைத்து இருந்தார் என உறுதிப்படுத்தியுள்ளனர். எனினும் அந்த கடிகார தயாரிப்பு நிறுவனம் இந்த கடிகாரத்தின் சட்டபூர்வமான தன்மையை அங்கீகரிக்கவில்லை என தெரிவித்துள்ளது.