1996 ஆம் வருடம் தமிழகத்தை பதறவைத்த கேரள பெண் லேடி சுகுமார குரூப்பின் கதை திரைப்படமாக உருவாக இருக்கிறது. ஓமனா என்ற பெண் மருத்துவர் தனது நண்பரை கொன்று சூட்கேஸில் அடைத்து தப்பியோடிய சம்பவத்தை மையமாகக் கொண்டு இந்த திரைப்படம் உருவாக இருக்கின்றது. இந்தப் படத்தில் கதை மற்றும் திரைக்கதையை தீபக் விஜயன் எழுதியிருக்கிறார். இந்த கதையை முடிப்பதற்கு ஆறு வருடங்கள் ஆகியுள்ளது என அவர்கள் தெரிவித்துள்ளனர். தமிழ் மற்றும் மலையாளத்தில் உருவாக இருக்கும் இந்த திரைப்படத்தில் முன்னணி தமிழ் நடிகை கதாநாயகியாக நடிக்க இருக்கிறார் எனவும் அவர்கள் தெரிவித்துள்ளனர். கேரளாவின் கண்ணூர் மாவட்டத்தை சேர்ந்த கண் மருத்துவரான ஓமனா சர்வதேச போலீசால் தேடப்படும் குற்றவாளிகளின் பட்டியலில் உள்ளவர்.
1996 ஆம் வருடம் டாக்டர் ஓமனா தனது காதலனை கொன்று அவரது உடலை துண்டு துண்டாக வெட்டிய சம்பவம் தலைப்பு செய்திகளில் வெளிவந்துள்ளது. சுமார் 26 ஆண்டுகளுக்கு முன் நடைபெற்ற சம்பவம் இது. ஜூலை 11, 1996 இல் ஊட்டியில் இருந்த டாக்டர் ஓமனா என்பவர் கேரள மாநிலம் கண்ணூரை சேர்ந்த தனது நண்பர் முரளிதரனை கொன்றார். ஊட்டி ரயில் நிலையம் அருகே உள்ள ஹோட்டலில் அவரை கொலை செய்து விட்டு துண்டு துண்டாக அவரது உடலை வெட்டி சூட்கேசில் அடைத்துவிட்டார். அதன் பின் அதனை காரில் ஏற்றுக்கொண்டு சென்ற ஓமனாவை போலீசார் மடக்கி பிடித்துள்ளனர். இந்த வழக்கில் 2001 இல் ஓமன ஜாமினில் வெளியே வந்தார். அதன் பின் அவர் தப்பியோடி தலைமறைவாகிவிட்டார் என கூறப்படுகின்றது. இந்த சூழலில் மலேசியாவில் உள்ள உயர் ஆணையரகம் நோட்டீஸ் ஒன்றை வெளியிட்டுள்ளது.
அங்கு அடையாளம் தெரியாத இந்திய பெண் ஒருவர் இறந்து கிடப்பதாக நாளிதழில் வெளியான புகைப்படம் உயிரிழந்த டாக்டர் ஓமனாவாக இருக்குமா என்று சந்தேகம் எழுந்துள்ளது. இந்த படத்தின் படப்பிடிப்பு அடுத்த வருடம் பிப்ரவரியில் ஆரம்பமாகும் என தெரிகின்றது. படத்திற்கான பொருத்தமான தலைப்பு மற்றும் நடிகர், நடிகைகள் விவரம் விரைவில் வெளியாகும் என படக் குழு அறிவித்துள்ளது. மேலும் தமிழ், மலையாளம் என இரு மொழிகளில் உருவாகும் இந்த படத்தில் இரு மொழிகளிலும் பல நடிகர்கள் நடிக்க இருக்கின்றனர். தமிழ் முன்னணி நடிகை படத்தின் நடிகையாக நடிப்பார் என அறியப்படுகின்றது. எல்லா வகையிலும் இந்த படம் ஒரு சிறந்த காட்சி அனுபவமாக இருக்கும் என உறுதி அளிக்கின்றார் இயக்குனர்.