இந்தியாவிலுள்ள உயர்கல்வி நிறுவனங்களை மேம்படுத்தும் வகையில் ஒவ்வொரு கல்வி நிறுவனமும் தங்களுடைய தரத்தை உயர்த்தும் பொருட்டு சென்ற 2016 முதல் சிறந்த கல்வி நிறுவனங்களுக்கான தரவரிசைப்பட்டியலை மத்திய கல்வி அமைச்சகம் வெளியிட்டு வருகிறது. இதற்கென உருவாக்கப்பட்ட தேசிய நிறுவன தரவரிசை கட்டமைப்பு (என்ஐஆா்எப்), மாணவா்கள் தோச்சி விகிதம், கற்பித்தல், கற்றல், வளங்கள், ஆராய்ச்சி, தொழில் முறை பயிற்சி உள்ளிட்ட 11 அம்சங்களை கொண்டு தரவரிசை பட்டியலை வெளியிடுகிறது. அந்த அடிப்படையில் 2022ஆம் வருடத்துக்கான சிறந்த கல்வி நிறுவனங்களுக்கான தரவரிசைப் பட்டியலை மத்திய கல்வித்துறை மந்திரி தர்மேந்திர பிரதான் வெளியிட்டார். அதன்படி பொதுப் பிரிவில் சென்னை ஐ.ஐ.டி கல்வி நிறுவனம் முதலிடத்தைப் பெற்றுள்ளது. ஐஐஎஸ்சி பெங்களுரு 2ம் டத்தையும், ஐஐடி மும்பை 3ம் இடத்தையும் பெற்றுள்ளது.
சிறந்த பல்கலைகழகங்கள் பிரிவில் முதலிடம் -ஐஐஎஸ்சி பெங்களுரு, 2-ஆம் இடம்- டெல்லி ஜேஎன்யு, 3 -ஆம் இடம் – ஜாமியா மில்லியா இஸ்லாமியா
சிறந்த பொறியியல் கல்லூரி: முதலிடம் – சென்னை ஐஐடி, 2-ஆம் இடம்- ஐஐடி டெல்லி – 3 -ஆம் இடம் – ஐஐடி மும்பை
சிறந்த கல்லூரி பிரிவு: முதலிடம் – டெல்லி மிரண்டா ஹவுஸ் கல்லூரி, 2ம் இடம் – டெல்லி இந்துக் கல்லூரி, 3ம் இடம் – சென்னை மாநில கல்லூரி
சிறந்த மருத்துவக் கல்லூரி பிரிவு: முதலிடம் – டெல்லி எய்ம்ஸ், 2ஆம் இடம் – சண்டிகர் PGIMER, 3 ஆம் இடம் – வேலூர் சிஎம்சி