வாட்ஸ்அப் தன்னுடைய பயனர்களுக்காக பல்வேறு வசதிகளை அறிமுகம் செய்து வருகிறது. அந்த வகையில் பெண்களுடைய மாதவிடாய் ஆரோக்கியத்தை கண்காணித்து கொள்ளும் விதமாக பீரியட் டிராக்கர் வசதியை வாட்ஸ் அப்பில் அறிமுகம் செய்துள்ளது. அதன்படி சிரோனா ஹைஜீன் என்ற நிறுவனத்தோடு வாட்ஸ்அப் இணைந்து இதனை அறிமுகம் செய்துள்ளது. இதன் மூலம் பெண்கள் தங்களுடைய மாதவிடாய் சுழற்சியை வாட்ஸ் அப்பில் கண்காணிக்க முடியும்.
9718866644 என்ற நம்பரில் உள்ள சிரோனா whatsapp வணிக கணக்கிற்கு ஹாய் என்ற மெசேஜ் அனுப்பி அதன் மூலம் பெண் பயனர்கள் தங்களுடைய மாதவிடாய் காலங்களை தெரிந்து கொள்ளலாம். அதற்கு முன்னதாக பெண் பயனர்கள் தங்களுடைய மாதவிடாய் காலங்கள் மற்றும் கடைசி கால விவரங்கள் குறித்து whatsapp சாட் பாக்ஸ்சில் உள்ளிட வேண்டி இருக்கும். அந்த பதிவை வைத்துதான் பயனர்களின் மாதவிடாய் தேதியை நினைவூட்டுதல் மற்றும் வரவிருக்கும் சுழற்சி விவரங்களை வாட்ஸ் அப்பில் பகிரப்படும். இந்த பீரியட் ட்ராக்கர் whatsapp பிசினஸ் பிளாட்பார்மில் கட்டமைக்கப்பட்டது.