விக்ரம் திரைப்படத்தால் இரண்டு பேருக்கு லைஃப் டைம் செட்டில்மெண்ட் கிடைத்துள்ளது.
தமிழ் சினிமா உலகில் ஒரு சில திரைப்படங்களை மட்டுமே இயக்கி முன்னணி இயக்குனராக வலம் வருகின்றார் லோகேஷ் கனகராஜ். கைதி திரைப்படத்தின் மூலம் அறிமுகமான லோகேஷ் கனகராஜ் தற்போது கமலின் விக்ரம் திரைப்படத்தை இயக்கியுள்ளார். லோகேஷ் கனகராஜ் கமலின் தீவிர ரசிகர். இத்திரைப்படத்தில் சூர்யா கெஸ்ட் ரோலில் நடித்து இருக்கின்றார். இப்படத்தை உதயநிதியின் ரெட் ஜெயண்ட் மூவிஸ் தயாரிக்கின்றது.
படத்தின் புரமோஷனுக்காக கமல் பெரிய அளவில் விளம்பரம் செய்தார். ஐஎம்டிபி இணையதளத்தில் அதிகம் எதிர்பார்க்கப்படும் படங்களின் பட்டியலில் விக்ரம் திரைப்படம் முதல் இடத்தை பிடித்தது. இந்நிலையில் படம் சென்ற வெள்ளிக்கிழமை வெளியாகி ரசிகர்களிடையே நல்ல வரவேற்பு பெற்று வருகின்றது. இத்திரைப்படம் முழுக்க முழுக்க லோகேஷ் கனகராஜ் படமாக இருக்கின்றது. கதாபாத்திரங்கள் தேர்வு, ஸ்கிரீன்பிளே, ஆக்சன் காட்சிகள் என அனைத்திலும் லோகேஷ் கனகராஜ் ஆதிக்கம் இருக்கின்றது. இத்திரைப்படம் சர்வதேச தரத்தில் இருப்பதாக பாராட்டுகள் குவிந்து வருகின்றது. லோகேஷ் ஒவ்வொரு கதாபாத்திரங்களையும் செதுக்கியிருப்பதாக அவருக்கு பாசிட்டிவான கமெண்ட்டுகள் குவிந்து வருகின்றது.
“Life time settlement letter”
Words can’t express how emotional I’m feeling reading this!
Nandri Andavarey @ikamalhaasan 🙏🏻🙏🏻🙏🏻 pic.twitter.com/5yF4UnGnVj— Lokesh Kanagaraj (@Dir_Lokesh) June 6, 2022
இந்த நிலையில் கமல் லோகேஷ் கனகராஜை பாராட்டி கடிதம் எழுதியுள்ளார். இதை இணையத்தில் லோகேஷ் கனகராஜ் பகிர்ந்து கூறியுள்ளதாவது, லைப் டைம் செட்டில்மெண்ட் கடிதம். இதை வாசிக்கும் பொழுது எனக்கு ஏற்பட்ட உணர்வுகளை வார்த்தைகளால் கூற முடியாது. நன்றி ஆண்டவரே என கூறியுள்ளார். இதையடுத்து கமல் மற்றும் சூர்யாவுடன் நடித்த அனுபவம் குறித்து விக்ரம் திரைப்படத்தில் நடித்த அர்ஜுன் தாஸிடமும் ரசிகர்கள் கேட்டு வந்த நிலையில் அவர் டுவிட்டரில் கூறியுள்ளதாவது, நான் விக்ரம் திரைப்படத்தில் நடித்து இருக்கின்றேன் என்ற செய்தி வெளியானதும் கமல் சார் மற்றும் சூர்யா சாருடன் சேர்ந்து நடித்த அனுபவம் பற்றி கேட்டீர்கள். ஆனால் அப்போது என்னால் சொல்ல முடியவில்லை. அது லைப் டைம் செட்டில்மெண்ட் என்று சொல்வேன் என கூறியுள்ளார்.