விக்ரம் படத்தால் பெங்களூர் ரசிகர்கள் புலம்பி வருகின்றனர்.
தமிழ் சினிமாவில் பிரபல முன்னணி நடிகராக வலம் வருபவர் கமல்ஹாசன். இவர் நடிப்பில் வெளியாகும் படங்கள் அனைத்தும் ரசிகர்கள் மத்தியில் நல்ல வரவேற்பு பெற்று வருகிறது. இயக்குனர் லோகேஷ் கனகராஜ் இயக்கத்தில் இவர் நடிப்பில் சமீபத்தில் ரிலீஸாகியுள்ள திரைப்படம் ”விக்ரம்”.
இந்த படத்தில் விஜய் சேதுபதி, பகத் பாசில் மற்றும் பலர் முக்கிய கதாபாத்திரத்தில் நடித்துள்ளனர். மேலும், நடிகர் சூர்யா கௌரவ தோற்றத்தில் நடித்துள்ளார் என்பது குறிப்பிடத்தக்கது. 4 வருடங்களுக்கு பிறகு கமல் நடிப்பில் வெளியாகும் திரைப்படம் என்பதால் இந்த படத்தின் மீதான எதிர்பார்ப்பு ரசிகர்கள் மத்தியில் அதிகரித்தது.
இதனையடுத்து, இந்த படம் ஓடும் தியேட்டர்கள் எல்லாம் ஹவுஸ்புல். இதனால் இந்த படத்திற்கு டிக்கெட் கிடைக்காத காரணத்தினால் பெங்களூர் ரசிகர்கள் மற்றும் ரசிகைகள் புலம்பி வருகின்றனர். ஆண்டவர் தரிசனம் கிடைக்கவில்லையே என புலம்புகிறார்கள்.