ஒன் பிளஸ் நிறுவனம் 8T என்ற ஃபிளாக்ஷிப் போனை சென்ற 2020 ஆம் வருடம் அறிமுகப்படுத்தியது. அவ்வாறு அறிமுகப்படுத்தப்பட்டு 2 வருடங்கள் ஆகும் சூழ்நிலையில், தற்போது அந்த போனின் விலை அதிரடியாக குறைக்கப்பட்டுள்ளது. அதாவது அந்தபோன் இப்போது ரூபாய் 28,999க்கு அதனுடைய அதிகாரப்பூர்வமான தளத்தில் விற்பனை செய்யப்படுகிறது. ஒன்பிளஸ் 8T ஸ்மார்ட்போன் அறிமுகமானபோது அதன் விலை ரூபாய் 42,999 ஆக நிர்ணயம் செய்யப்பட்டு இருந்தது.
இதனையடுத்து 4 ஆயிரம் ரூபாய் குறைக்கப்பட்டு ரூபாய் 38,999 க்கு விற்பபை செய்யப்பட்டு வந்த சூழ்நிலையில், தற்போது அதன் விலையானது மேலும் ரூ.10 ஆயிரம் குறைக்கப்பட்டு ரூ.28,999-க்கே கிடைக்கிறது. அந்த அடிப்படையில் 8 ஜிபி ரேம் 128 ஜிபி மெமரி உடன் கூடிய ஒன் பிளஸ் 8T ஸ்மார்ட் போன் ரூபாய் 28,999-க்கும், 12 ஜிபி ரேம், 256 ஜிபி மெமரி உடன் கூடிய மாடல் ரூபாய் 31,999-க்கும் கிடைக்கிறது. ஒன் பிளஸ் நிறுவனத்தின் அதிகாரப்பூர்வ தளத்தில் மட்டுமே இச்சலுகையை பெறமுடியும் என்பது குறிப்பிடத்தக்கது.
ஒன் பிளஸ் 8T ஸ்மார்ட்போன் லூனார் சில்வர் மற்றும் ஆக்வாமெரைன் கிரீன் போன்ற 2 நிறங்களில் கிடைக்கிறது. ஒன் பிளஸ் 8T ஆனது முதன்மையான குவால்காம் ஸ்னாப்டிராகன் 865 சிப்செட்டையும், 65W ஃபாஸ்ட் சார்ஜிங் வசதியுடன கூடிய 4,500 mAh பேட்டரியையும் கொண்டு இருக்கிறது. பின்புறம் குவாட் கேமரா அமைப்பை இந்த ஸ்மார்ட்போன் கொண்டு உள்ளது. இது 30 ஆயிரத்துக்கும் கீழ் கிடைப்பது நல்ல ஆஃபராக பார்க்கப்படுகிறது.