பிரபல இயக்குனர் லோகேஷ் கனகராஜ் இயக்கத்தில் உருவாகியுள்ள விக்ரம் திரைப்படத்தில் ஹீரோவாக உலகநாயகன் கமல்ஹாசன் நடித்துள்ளார். இந்த படத்தில் கமல்ஹாசனுடன் இணைந்து நடிகர் பகத் பாசில், விஜய் சேதுபதி, சூர்யா என பல நடிகர்கள் நடித்துள்ளனர். இந்த படம் கடந்த 3-ஆம் தேதி உலகம் முழுவதும் 5,000 திரையரங்குகளில் ரிலீஸ் ஆனது. இந்த திரைப்படம் தமிழ்நாட்டில் சுமார் 900 தியேட்டர்களில் வெளியானது. இந்தப் படம் ரிலீசாகி ரசிகர்களிடையே நல்ல வரவேற்பை பெற்றுள்ளது. இந்த படம் ரிலீஸ் ஆகி 2 நாட்களில் சுமார் 65.50 கோடி ரூபாய் வசூல் செய்துள்ளதாக தகவல்கள் வெளியாகியுள்ளது.
இந்த படத்தின் முதல் நாள் வசூல் மட்டும் ரூபாய் 34 கோடி ஆகும். அதன்பிறகு நேற்று 31.50 கோடி ருபாய் வசூலாகியுள்ளது. அதில் தமிழ்நாட்டில் ரூபாய் 41 கோடியும், ஆந்திரா/தெலுங்கானாவில் 6.25 கோடி ரூபாயும், கர்நாடக மாநிலத்தில் 6.75 கோடி ரூபாயும், கேரளாவில் 9.75 கோடி ரூபாயும், மற்ற இடங்களில் 1.75 கோடி ரூபாயும் வசூலாகி உள்ளதாக தகவல்கள் வெளியாகியுள்ளது. இதனையடுத்து வெளிநாடுகளில் விக்ரம் படத்தின் வசூல் குறித்த தகவல்கள் இன்னும் வெளியாகாத நிலையில், இந்த படத்தின் ஒரு வார வசூல் மட்டுமே ரூபாய் 100 கோடி வரை இருக்கும் என எதிர்பார்க்கப்படுகிறது.