கமலின் விக்ரம் திரைப்படம் இணையத்தில் சட்டவிரோதமாக கசிந்துள்ளது.
தமிழ் சினிமா உலகில் ஒரு சில திரைப்படங்களை மட்டுமே இயக்கி முன்னணி இயக்குனராக வலம் வருகின்றார் லோகேஷ் கனகராஜ். கைதி திரைப்படத்தின் மூலம் அறிமுகமான லோகேஷ் கனகராஜ் தற்போது கமலின் விக்ரம் திரைப்படத்தை இயக்கியுள்ளார். லோகேஷ் கனகராஜ் கமலின் தீவிர ரசிகர். இத்திரைப்படத்தில் சூர்யா கெஸ்ட் ரோலில் நடித்து இருக்கின்றார். இப்படத்தை உதயநிதியின் ரெட் ஜெயண்ட் மூவிஸ் தயாரிக்கின்றது.
படத்தின் புரமோஷனுக்காக கமல் பெரிய அளவில் விளம்பரம் செய்தார். ஐஎம்டிபி இணையதளத்தில் அதிகம் எதிர்பார்க்கப்படும் படங்களின் பட்டியலில் விக்ரம் திரைப்படம் முதல் இடத்தை பிடித்தது. இந்நிலையில் படம் நேற்று வெளியாகி ரசிகர்களிடையே நல்ல வரவேற்பு பெற்று வருகின்றது. இத்திரைப்படம் முழுக்க முழுக்க லோகேஷ் கனகராஜ் படமாக இருக்கின்றது. கதாபாத்திரங்கள் தேர்வு, ஸ்கிரீன்பிளே, ஆக்சன் காட்சிகள் என அனைத்திலும் லோகேஷ் கனகராஜ் ஆதிக்கம் இருக்கின்றது. இத்திரைப்படம் சர்வதேச தரத்தில் இருப்பதாக பாராட்டுகள் குவிந்து வருகின்றது. லோகேஷ் ஒவ்வொரு கதாபாத்திரங்களையும் செதுக்கியிருப்பதாக அவருக்கு பாசிட்டிவான கமெண்ட்டுகள் குவிந்து வருகின்றது.
இந்நிலையில் விக்ரம் திரைப்படம் வெளியாகி மூன்று மணி நேரத்திலேயே தமிழ் ராக்கர்ஸ், டெலிகிராம் உள்ளிட்ட சமூக வலைதளங்களில் விக்ரம் படம் கசிந்து இருக்கின்றது. இது ரசிகர்களிடையே அதிர்ச்சியை ஏற்படுத்தியிருக்கின்றது. நடிகர் கமல் பட்ட கஷ்டமெல்லாம் வீணா போச்சே என்று ரசிகர்கள் கமெண்ட் செய்து வருகின்றார்கள். ஆனால் இது வசூலை பாதிக்காது எனவும் ரசிகர்கள் கூறுகின்றனர் குறிப்பிடத்தக்கது.