தமிழ் சினிமாவில் சுமார் 150-க்கும் மேற்பட்ட திரைப்படங்களில் காமெடி நடிகராக நடித்தவர் காமெடி நடிகர் போண்டா மணி. இலங்கையில் இருந்து அகதியாக ராமேஸ்வரம் வந்த இவர் சில காலங்களுக்குப் பிறகு படங்களில் நடித்து பிரபலமானார். போண்டா தொடர்பான காமெடி நடித்து பிரபலமானவர். போண்டா மணி ஆக மாறினார். சினிமா தவிர்த்து அதிமுகவின் நட்சத்திர பேச்சாளராக உள்ளார்.
இந்நிலையில் இவர் இதய பிரச்சினை காரணமாக சென்னை ஓமந்தூரார் அரசு மருத்துவமனையில் அனுமதிக்கப்பட்டுள்ளதாகவும், அவருக்கு மருத்துவர்கள் தீவிர சிகிச்சை அளித்து வருவதாகவும் தகவல் வெளியாகியுள்ளது.