விஜய் தேவரகொண்டா, சமந்தா ஜோடியாக இருக்கும் புகைப்படம் தற்போது இணையத்தில் வைரலாகி வருகிறது.
தமிழ், தெலுங்கு என இரண்டிலும் முன்னணி நடிகையாக வலம் வருகிறார் சமந்தா. இவர் தற்பொழுது விஜய் தேவர்கொண்டாவுடன் இணைந்து குஷி திரைப்படத்தில் நடித்து வருகின்றார். இத்திரைப்படத்தை சிவ நிர்வாணா இயக்க மைத்திரி மூவி மேக்கர்ஸ் தயாரிக்கிறது. இப்படத்தில் ஜெயராம், சச்சின் கெடகர், முரளி சர்மா, லட்சுமி, அலி, ரோகிணி, வெண்ணிலா கிஷோர், ஸ்ரீகாந்த் ஐயங்கார் என பலர் முக்கிய வேடத்தில் நடிக்கிறார்கள்.
இத்திரைப்படமானது காமெடி ஜானரில் ரொமான்டிக் காதல் கதையாக உருவாகி வருகின்ற நிலையில் காஷ்மீரில் முதற்கட்ட படப்பிடிப்பை படக்குழுவினர் நிறைவு செய்து இருக்கின்றனர். மேலும் சமந்தாவும் விஜய் தேவரகொண்டாவும் படக்குழுவினருடன் எடுத்துக் கொண்ட புகைப்படங்கள் தற்போது சமூக வலைதளத்தில் வைரலாகி வருகின்றது.