தற்போது கோடை காலம் தொடங்கிவிட்டது. அதனால் இரவு நேரங்களில் வெப்பம் காரணமாக ஜன்னல்களைத் திறந்து வைப்பது வழக்கம். இதனால் வீட்டிற்குள் கொசுக்கள் நுழைவது எளிதாகிறது. நம் ரத்தத்தை உறிஞ்ச கூடிய இந்த கொசுக்கள் தொலைதூரத்தில் இருந்தும் கூட நம் வீட்டிற்குள் வருகின்றன. மனித ரத்தம் என்பது கொசுக்களுக்கு ஒரு சிறந்த உணவு. கொசுக்கள் நம்மை கடித்தவுடன் அரிப்பு மற்றும் சிவந்த புடைப்புகள் போன்றவை ஏற்படும். இவற்றில் இருந்து நம்மை தற்காத்துக் கொள்ள என்ன செய்ய வேண்டும் என்பதை இந்தப் பதிவில் தெரிந்து கொள்ளலாம்.
காற்று அதிவேகமாக இருந்தால் கொசுக்களால் நன்றாக பழக முடியாது. லேசான காற்றைக் கூட கொசுக்கள் தாங்காது. எனவே இதனை கொசுவுக்கு எதிராக நாம் பயன்படுத்தலாம். நீங்கள் படுக்கும் இடத்திற்கு காற்று அதிகப்படியாக வரும்படி மின்விசிறியை இயக்கலாம். மின்விசிறியை கீழ் நோக்கி காற்று வரும்படி வைத்துக் கொள்வது நல்லது.
கொசுக்கள் பொதுவாக சூரியன் உதிக்கும்போது அல்லது மறையும்போது ரத்தத்தை உறிஞ்சும். அந்த நேரங்களில் அவை கருப்பு மற்றும் பிற அடர் நிறங்கள் கொண்ட வண்ணங்களை எளிதில் கண்டறியும். எனவே நீங்கள் வெளிர் நிற ஆடைகளை அணிந்தால் கொசுக்கள் உங்களை கடிப்பது குறையும். வெள்ளை நிற உடைகள் கொசுக்கள் கடிப்பதால் இருந்து உங்களை முழுவதுமாக பாதுகாக்கும். இது கொசுக்கடியில் இருந்து தப்பிப்பதற்கு சிறந்த வழி.
அடுத்து லாவண்டர் வாசனை கொசுக்களுக்கு அறவே பிடிக்காது. அதனால் உங்களது பூந்தோட்டம் அல்லது வீட்டுத் தொட்டியில் சில லாவண்டர் செடிகளை வைத்தால் வீட்டில் கொசுக்கள் வருவது குறையும். கொசுக் கடியிலிருந்து தப்பிக்க லாவண்டர் கலந்த எண்ணெய் பொருட்களை உங்கள் சருமத்திற்கு பயன்படுத்தலாம். நீங்கள் தூங்க செல்வதற்கு முன்பு இதனை பூசிக் கொள்வது நல்லது.
அடுத்ததாக பூண்டு கொசுக்கடியில் இருந்து உங்களை காப்பாற்றிக் கொள்ள பெரிதும் உதவும். அதிக பூண்டுகளை உட்கொள்வதன் மூலம் நமது உடல் துவாரங்களிலிருந்து பூண்டு வாசனை வெளியேறும். அதனால் கொசுக்கள் உங்களை நோக்கி வருவது குறையும்.
லாவண்டர் மட்டுமல்லாமல் கிராம்பு வாசனையும் கொசுக்களுக்கு அறவே பிடிக்காது. அதற்கு ஒரு கிண்ணத்தில் தண்ணீரை நிரப்பி அதில் சில கிராம்புகளை போட்டு வையுங்கள். நீங்கள் இரவில் உறங்கும்போது படுக்கை அறையில் இதனை வைத்துக் கொள்ளலாம். இந்த வாசனை காரணமாக கொசுக்கள் உங்களைக் அடிப்பதில் இருந்து தப்பிக்க முடியும்.
மேலும் உங்கள் வீட்டைச் சுற்றி கொசுக்கள் இருப்பதை நீங்கள் அறவே தடுக்க விரும்பினால் வீட்டை சுற்றி நீர் தேக்கங்கள் இல்லாமல் பார்த்துக்கொள்வது நல்லது. நீர்த் தேக்கங்களில் தான் கொசுக்கள் அதிகமாக உற்பத்தியாகும். எனவே வீட்டை சுற்றி நீர் தேக்கங்கள் இல்லாமல் பார்த்துக்கொள்வது நல்லது. தோட்டப் பகுதியில் தண்ணீர் தேங்காமல் பார்த்துக் கொள்ள வேண்டும். ஏனென்றால் கொசுக்கள் ஈரப்பதமாக இருக்கும் இடங்களை அதிகமாக விரும்புகின்றன. குறிப்பாக உங்கள் படுக்கையைச் சுற்றி கொசு வலைகளை நீங்கள் பயன்படுத்தலாம்.இவற்றையெல்லாம் பின்பற்றினால் கொசுக்கடி இல்லாமல் தப்பிக்க முடியும்.