விஜய் நடிக்கும் தளபதி 66 படத்தில் சண்டைக் காட்சிகள் இல்லை என உறுதியாகியுள்ளது.
தமிழ் சினிமா உலகில் உச்ச நட்சத்திரமாக வலம் வருகின்றார் விஜய். இவர் தற்போது தளபதி66 திரைப்படத்தில் வம்சி இயக்கத்தில் நடிக்கின்றார். கதாநாயகியாக ராஷ்மிகா மந்தனா நடிக்கிறார். விஜய்க்கு அப்பாவாக சரத்குமாரும் அண்ணனாக ஷாமும் நடிக்கிறார்கள். இந்தப் படத்தின் படப்பிடிப்பு அண்மையில் தொடங்கப்பட்டது.
இத்திரைப்படத்தில் ஸ்டண்ட் காட்சிகளே இருக்காது என பேசப்பட்டு வந்த நிலையில் படத்திற்கான அனைத்து ஆட்களையும் ஒப்பந்தம் செய்த படக்குழு ஸ்டண்ட் மாஸ்டரை மட்டும் தேர்வு செய்ய இல்லை. இதனால் படத்தில் சண்டைக் காட்சிகள் இல்லை என்பது உறுதியாகி உள்ளது. மேலும் இத்திரைப்படத்தில் விஜயை 90களில் பார்த்ததுபோல் பார்க்கலாம் என கூறுகின்றார்கள்.
படம் பற்றிய அடுத்தடுத்த தகவல்கள் வெளியாகி வருவதால் ரசிகர்களை மகிழ்ச்சி அடையச் செய்திருக்கிறது. சென்னையில் படப்பிடிப்பு நடந்து கொண்டிருக்கின்ற நிலையில் இரண்டாம் கட்ட படப்பிடிப்பு ஹைதராபாத்தில் நடக்க உள்ளது. படத்தின் பெரும்பாலான காட்சிகள் சென்னையில் தான் படமாக்கப்படுகின்றது.