பாகிஸ்தானில் இம்ரான்கான் அரசுக்கு எதிராக எதிர்கட்சிகள் கொண்டு வந்த நம்பிக்கையில்லா தீர்மானத்தால் இம்ரான்கான் பிரதமர் பதவியிலிருந்து நீக்கப்பட்டார். இந்த நிலையில் இம்ரான்கான் அமெரிக்காவின் சதி தான் தான் பதவி இழந்ததற்கு காரணம் என்று குற்றம் சாட்டியுள்ளார். மேலும் பாகிஸ்தானில் அமெரிக்காவால் இறக்குமதி செய்யப்பட்ட அரசு ஆட்சியில் அமர்ந்துள்ளதாக விமர்சனம் செய்து வருகிறார். இந்நிலையில் நேற்று இம்ரான்கான், அமெரிக்க எம்.பி. இல்கான் ஒமரை சந்தித்து பேசியுள்ளார். சுமார் ஒரு மணிநேரத்திற்கும் மேலாக அவர்கள் இருவரும் ஆலோசனை நடத்தியதாக கூறப்படுகிறது.
இருவரும் சந்தித்தது தொடர்பான புகைப்படங்களும் வெளியாகியுள்ளது. அதனை கண்ட பாகிஸ்தான் உட்பட பல்வேறு நாடுகளை சேர்ந்த மக்களும் முன்னாள் பிரதமர் இம்ரான்கானை கடுமையாக விமர்சனம் செய்து வருகின்றனர். மேலும் தான் பதவி இழந்ததற்கு அமெரிக்கா தான் காரணம் என்று குற்றம்சாட்டி வந்த இம்ரான்கான் அமெரிக்க நாடாளுமன்ற உறுப்பினரை சந்தித்திருப்பது அவருடைய இயலாமையை வெளிப்படுத்துகிறது என்றும் கூறிவருகின்றனர்.