தமிழ் திரையுலகில் பிரபல நடிகரான தனுஷ், மித்ரன் ஜவஹர் இயக்கத்தில் திருச்சிற்றம்பலம் படத்தில் நடித்துள்ளார். சன் பிக்சர்ஸ் நிறுவனம் இந்த படத்தை தயாரித்துள்ளது. “திருச்சிற்றம்பலம்” படப்பிடிப்பு தளத்திலிருந்து முதலில் ஒரு புகைப்படம் கசிந்தது. அந்த புகைப்படத்தில் ராஷி கன்னாவும், தனுஷும் இருந்தனர். இது ரசிகர்கள் மத்தியில் பெரும் அதிர்ச்சியை ஏற்படுத்தியிருந்தது. இந்த நிலையில் அடுத்ததாக திருச்சிற்றம்பலம் படத்திலிருந்து வீடியோ ஒன்று லீக்காகியுள்ளது. அதாவது இந்த படத்தில் வரும் கோவில் திருவிழா பாடல் ஒன்றில் நித்யா மேனனும், தனுஷும் இருக்கிறார்கள்.
போஸ்ட் புரொடக்ஷன் பணிகள் நடந்து வரும் நிலையில் எப்படி இந்த வீடியோ லீக்கானது ? என்று ரசிகர்கள் கேள்வி எழுப்பி வருகின்றனர். ஏற்கனவே கடந்த 2021ஆம் ஆண்டு செப்டம்பர் மாதம் நித்யா மேனன், தனுஷ் நடனமாடிய வீடியோ கசிந்து ரசிகர்கள் மத்தியில் அதிர்ச்சியை ஏற்படுத்தியது குறிப்பிடத்தக்கது. திருச்சிற்றம்பலம் படப்பிடிப்பு தொடங்கிய நாள் முதலே இப்படி ஏதாவது ஒரு பிரச்சனை நடந்து கொண்டே இருக்கிறது.
