தமிழ் புத்தாண்டையொட்டி யாஷ் நடிப்பில் வெளியாகிய படம் “கே.ஜி.எஃப் 2” ஆகும். முதல் பாகத்தின் தொடர்ச்சியாக இந்த படத்தை இயக்குனர் பிரசாந்த் நீல் உருவாக்கியிருந்தார். இந்த படத்தில் யாஷுடன் ஸ்ரீநிதி ஷெட்டி, சஞ்சய்தத், ரவீனா டாண்டன் உள்ளிட்ட பலர் நடித்திருக்கின்றனர். இப்படம் தமிழ், தெலுங்கு, கன்னடம், மலையாளம், இந்தி உள்ளிட்ட மொழிகளில் உலக முழுதும் வெளியாகியது.இதையடுத்து ரசிகர்கள் மத்தியில் அதிக வரவேற்பு பெற்று வரும் இந்த படத்தின் முதல்நாள் வசூல் இந்தியா முழுவதும் ரூ.134.5 கோடி என படக்குழுவினர் அறிவித்துள்ளனர்.
இதற்கிடையில் சமீபத்தில் இப்படத்த்தை பார்த்த நடிகர் ரஜினிகாந்த் படத்தின் தயாரிப்பாளர் விஜய் கிர்கந்தூரை தொலைபேசியின் வாயிலாக அழைத்து பாராட்டியுள்ளார். இவரை தொடர்ந்து நடிகர் சிவகார்த்திகேயனும் தனது இணையதள பக்கத்தில் கே ஜி எஃப் 2 திரைப்படம் வெளியான நாளில் “அப்படம் வெற்றியடையும், பாக்ஸ் ஆபீஸில் பல்வேறு சாதனைகள் படைக்கும்” என வாழ்த்து தெரிவித்திருந்தார். இந்த நிலையில் சிவகார்த்திகேயனுக்கு நன்றி தெரிவிக்கும் வகையில் யாஷ் தனது ட்விட்டர் பக்கத்தில் “நான் உங்களது டாக்டர் படத்தை பார்த்து மிகவும் என்ஜாய் பண்ணினேன் அது சிறந்த படம்” என்று பாராட்டி சிவகார்த்திகேயனுக்கு சர்ப்ரைஸ் கொட்துள்ளார். அதற்கு அவரும் நன்றி தெரிவித்து ட்வீட் செய்துள்ளார்.