Categories
சிவகங்கை மாவட்ட செய்திகள்

நடைபெற்ற குரு பெயர்ச்சி…. தரிசனம் செய்த ஏராளமான பக்தர்கள்…. பிரசித்தி பெற்ற கோவில்….!!!!

குருபெயர்ச்சியை முன்னிட்டு குரு பகவானுக்கு சிறப்பு பூஜைகள் நடைபெற்றது.

சிவகங்கை மாவட்டத்தில் உள்ள பட்டமங்கலத்தில் பிரசித்தி பெற்ற தட்சிணாமூர்த்தி சாமி திருக்கோவில் அமைந்துள்ளது. இந்த கோவிலில் ஆண்டுதோறும் குரு பெயர்ச்சியை முன்னிட்டு சிறப்பு பூஜைகள் நடைபெறுவது வழக்கம். அதேபோல் இந்த ஆண்டு நேற்று குருபெயர்ச்சியை முன்னிட்டு காலை 3 மணியளவில் நடை திறக்கப்பட்டது.  இந்நிலையில் அதிகாலை 4.16 மணிக்கு குரு பகவான் கும்ப ராசியில் இருந்து மீன ராசிக்கு இடம் பெயர்ந்தார். அப்போது   சிவன், தட்சிணாமூர்த்தி மற்றும் கோவிலில் மூலஸ்தான கோபுரம் ஆகியவற்றிற்கும் சிறப்பு பூஜைகள் செய்யப்பட்டது.

அதன்பின்னர் குருபகவானுக்கு பல்வேறு வகையான பொருட்களை கொண்டு அபிஷேகம் செய்யப்பட்டு சந்தன காப்பு  மாற்று வெள்ளி அங்கி அலங்காரத்தில் பூஜைகள் நடைபெற்றது. இந்த பூஜையில் சிவகங்கை மட்டுமின்றி பல்வேறு மாவட்டங்களை சேர்ந்த ஏராளமான பக்தர்கள் கலந்துகொண்டு குருபகவானை தரிசனம் செய்துள்ளனர்.

Categories

Tech |