ICC ஒவ்வொரு மாதமும் சிறந்த கிரிக்கெட் வீரர்களை தேர்வு செய்து கவுரவித்து வருகிறது. அந்த வகையில் மார்ச் மாதத்தில் யார் சிறந்த வீரர் என்பதனை தேர்வு செய்யவேண்டும். இதனிடையே மார்ச் மாதத்துக்கான சிறந்த வீரருக்கான பரிந்துரை பட்டியலில் பாகிஸ்தான் அணியின் கேப்டன் பாபர் அசாம், வெஸ்ட் இண்டீஸ் அணியின் கிரெய்க் பிராத்வெயிட், ஆஸ்திரேலியா கேப்டன் பாட் கம்மின்ஸ் போன்றோர் பெயர்கள் இடம்பெற்றுள்ளது.
அதேபோன்று பெண்களுக்கான பரிந்துரை பட்டியலில் சோபி எக்ளேஸ்டோன், லாரா வால்வோர்டட் மற்றும் ரேச்சல் ஹெய்ன்ஸ் போன்றோரின் பெயர்கள் பரிந்துரைக்கப்பட்டு இருக்கிறது. இந்த நிலையில் மார்ச் மாதத்துக்கான சிறந்தவீரர் எனும் விருதினை பாகிஸ்தானின் பாபர் அசாம் தட்டி துக்கியுள்ளார் என்பது குறிப்பிடத்தக்கது. இதையடுத்து சிறந்த வீராங்கனையாக ஆஸ்திரேலியாவின் ரேச்சல் ஹெய்ன்சும் தேர்வு செய்யப்பட்டுள்ளார் என்று ICC அறிவித்துள்ளது.