ஆலியா பட் நடிப்பில் வெளியான 2 ஸ்டேட்ஸ் என்ற படத்தில் அவருக்கு தந்தையாக நடித்திருந்த ஷிவ் குமார் சுப்பிரமணியம் நேற்று மும்பையில் உடல்நலக்குறைவு காரணமாக உயிரிழந்தார் என்ற செய்தி பாலிவுட் பிரபலங்களை பெரும் அதிர்ச்சியில் ஆழ்த்தியுள்ளது. இவர் tu hai mera sunday, Hichki, Nail Polish, Rocky Handsome என்ற பல படங்களில் நடித்துள்ளார். இரண்டு மாதங்களுக்கு முன்பு ஷிவ் குமார் சுப்பிரமணியம் மகன் மூளை புற்றுநோய் காரணமாக உயிரிழந்தார். இதைத் தொடர்ந்து தற்போது ஷிவ் குமார் சுப்பிரமணியம் உயிரிழந்தது அவரது குடும்பத்தினருக்கு பேரிழப்பை ஏற்படுத்தியுள்ளது.
இதையடுத்து ஷிவ் குமாரின் மறைவுக்கு பிரபல இயக்குநர்களான அனுராக் காஷ்யப், ஹன்சல் மேத்தா என பலரும் இரங்கல் தெரிவித்துள்ளனர். இவரின் இறுதி சடங்குகள் மும்பையில் உள்ள அந்தேரியில் நடப்பதாக ஹன்சல் மேத்தா ட்விட்டரில் தெரிவித்திருந்தார். இவர் கடைசியாக நெட்பிளிக்ஸ் தளத்தில் வெளியான மீனாட்சி சுந்தரேஸ்வர படத்தில் சந்தியா மல்ஹோத்ராவுக்கு அப்பாவாக நடித்திருந்தார். அது மட்டுமில்லாமல் பல படங்களில் உதவி இயக்குநராக இருந்த இவர் படத்தின் திரைக்கதை ஆசிரியராகவும் பணியாற்றியுள்ளார் .பிலிம்பேர் விருதுகளையும் வென்றுள்ளார் என்பது குறிப்பிடத்தக்கது.