தென்ஆப்பிரிக்கா மற்றும் வங்காளதேசம் மோதும் 2வது டெஸ்ட் போட்டி நடந்து வருகிறது. இதில் டாஸ் வென்ற தென்ஆப்பிரிக்கா கேப்டன் டீன் எல்கர் முதலாவதாக பேட்டிங் தேர்வு செய்தார். அந்த வகையில் தென்ஆப்பிரிக்கா அணி முதலாவதாக பேட்டிங் செய்தது. அப்போது தொடக்க ஆட்டக்காரர்களாக கேப்டன் டீன் எல்கர், எர்வி களம் இறங்கினர். இவர்களில் எர்வி 24 ரன்கள் அடித்துவிட்டு அவுட்டாகிவிட்டார். இதையடுத்து களமிறங்கிய பீட்டர்சன் டீன்எல்கருடன் ஜோடி சேர்ந்தார். அதன்பின் இரண்டு பேரும் பொறுப்புடன் ஆடி அரைசதம் அடித்து அசத்தினர். அடுத்ததாக எல்கர் 70 ரன்களில் ஆட்டம் இழந்தார். அதனை தொடர்ந்து களமிறங்கிய பவுமா சிறப்பாக விளையாடினார்.
பிறகு பீட்டர்சன் 64ரன் மற்றும் பவுமா 67 ரன் அடித்து அவுட்டாகி வெளியேறினர். முதல்நாள் முடிவில் தென்ஆப்பிரிக்கா அணி 5 விக்கெட் இழப்புக்கு 278 ரன்கள் எடுத்து இருந்தது. இந்தநிலையில் 2ஆம் நாள் ஆட்டம் நேற்று நடந்தது. அப்போது கேசவ் மகாராஜா பொறுப்புடன் ஆடி அரை சதம் அடித்தார். பின் அவர் 84 ரன்னில் அவுட்டானார். முடிவில் தென்ஆப்பிரிக்கா அணியானது முதல் இன்னிங்சில் 453 ரன்களுக்கு ஆல் அவுட்டானது. வங்காளதேசம் சார்பாக தைஜுல் இஸ்லாம் விக்கெட்டும், காலித்அகமது 3 விக்கெட்டும் வீழ்த்தினர்.
அதன்பின் வங்காளதேசம் அணியானது முதல் இன்னிங்சை தொடர்ந்தது. தொடக்க ஆட்டக்காரர் தமிம்இக்பால் பொறுப்புடன் விளையாடி அரை சதம் அடிப்பார் என எதிர்பார்க்கப்பட்ட நிலையில் 47 ரன்னில் ஆட்டம் இழந்தார். நஜ்முல் ஹுசைன் ஷாண்டோ 33 ரன் எடுத்து குவித்தார். 2 ஆம் நாள் ஆட்ட நேர முடிவில் வங்காளதேசம் அணி 5 விக்கெட் இழப்புக்கு 139 ரன்கள் எடுத்து இருக்கிறது. முஷ்பிகுர் ரஹிம் 39 ரன்னுடன் ஆட்டம் இழக்காமல் இருக்கிறார். தென்ஆப்பிரிக்கா சார்பாக முல்டர் 3 விக்கெட்டும், ஆலிவர் 2 விக்கெட்டும் வீழ்த்தினர்.