புதிய நிதியாண்டிற்கான நிதிக் கொள்கையில் ரெப்போ மற்றும் ரிவர்ஸ் ரெப்போ விகிதத்தில் எந்த மாற்றமும் இல்லை என்று ரிசர்வ் வங்கி அறிவித்துள்ளது.
இந்திய ரிசர்வ் வங்கி ஏப்ரல் 1-ஆம் தேதி தொடங்கிய புதிய நிதி ஆண்டுக்கான நிதி கொள்கையை இன்று வெளியிட்டது. அதில் ரெப்போ மற்றும் ரிவர்ஸ் ரெப்போ விகிதங்களில் மாற்றம் இன்றி அறிவித்துள்ளது. ரெப்போ விகிதம் 4 சதவீதமாகவும், ரிவர்ஸ் ரெப்போ விகிதம் 3.35 சதவீதமாகவும் தொடரும் என்று அறிவித்துள்ளது. இந்த அறிவிப்பை ரிசர்வ் வங்கியின் நிதிக் கொள்கை கூட்டத்திற்கு பிறகு ஆளுநர் சக்திகாந்த தாஸ் அறிவித்தார்.
மத்திய வங்கி 2022 – 23 நிதியாண்டில் அதன் மொத்த உள்நாட்டு உற்பத்தி வளர்ச்சி விகிதத்தை 7.2 சதவீதமாக குறைத்துள்ளது. பிப்ரவரியில் 7.8 சதவீதமாக இருக்கும் என்று எதிர்பார்க்கப்படுகிறது. 2022-23 நிதியாண்டில் பணவீக்கம் 5.7 சதவீதமாக இருக்கும் என எதிர்பார்க்கப்படுகிறது. முன்பு இது 4.5 சதவீதமாக இருந்தது. தொற்றுநோய்க்குப் பிறகு இந்தியப் பொருளாதாரம் வளர்ச்சியடைந்துள்ளதாக ஆளுநர் சக்திகாந்த தாஸ் செய்தியாளர் கூட்டத்தில் தெரிவித்தார்.