அமெரிக்காவில் வானிலை மற்றும் தொழில்நுட்ப சிக்கல் காரணமாக ஆயிரக்கணக்கான விமானங்கள் ரத்து செய்யப்பட்டுள்ளது.
அமெரிக்கா நாட்டில் கடந்த ஒரு வாரமாக மோசமான வானிலை காரணத்தால் 3300க்கும் மேலான விமான சேவைகள் ரத்து செய்யப்பட்டுள்ளது. இதனைத்தொடர்ந்து விமானங்களை கண்காணிக்கும் இணையதளம் வெளியிட்டுள்ள செய்திக்குறிப்பில் கூறியதாவது “புளோரிடா, போர்ட் லாடர்டேல் மற்றும் ஆர்லண்டோ போன்ற இடங்களில் விமான சேவை பாதிக்கப்பட்டுள்ளது.
மேலும் ஆயிரக்கணக்கான விமானங்கள் தாமதமாக இயக்கப்பட்டுள்ளது. மேலும் புளோரிடாவில் புயல் வீசியதால் விமான சேவை கடும் பாதிப்பிற்குள்ளனது” என்று கூறியுள்ளது. குறிப்பாக சவுத்வெஸ்ட் ஏர்லைன்ஸ் நிறுவனமானது புளோரிடாவில் வானிலை மற்றும் தொழில்நுட்ப சிக்கல் காரணமாக ஆயிரத்திற்கும் மேலான விமானங்களை ரத்து செய்ததாக அறிவித்துள்ளது.