இயக்குனர் சிவா இயக்கத்தில் நடிகர் ரஜினிகாந்த் நடித்த “அண்ணாத்த” படத்தை அடுத்து ரஜினி சன் பிக்சர்ஸ் நிறுவனம் தயாரிக்கும் புதிய படம் ஒன்றில் ஒப்பந்தமாகி இருந்தார். இந்த படத்தை கோலமாவு கோகிலா, டாக்டர், பீஸ்ட் படங்களை இயக்கிய இயக்குனர் நெல்சன் திலீப்குமார் இயக்குகிறார். அண்மையில் இந்த படத்தின் அதிகாரப்பூர்வ அறிவிப்பு வெளியாகியது.
இந்த நிலையில் தலைவர் 169 என்று பெயரிட்டு உள்ள இந்த படத்தில் ரஜினிக்கு மகனாக சிவகார்த்திகேயன் நடிக்க இருப்பதாக தகவல் வெளியாகியுள்ளது. ரஜினியின் தீவிரமான ரசிகரான சிவகார்த்திகேயனின் நீண்டநாள் ஆசையை இயக்குனர் நெல்சன் இந்த படத்தின் வாயிலாக பூர்த்தி செய்ய உள்ளார் என்று கூறப்படுகிறது. இத்தகவல் சமூக வலைத்தளத்தில் வைரலாகி வருகிறது. இது தொடர்பான அதிகாரப்பூர்வ அறிவிப்பு விரைவில் வெளியாகும் என்று எதிர்பார்க்கப்படுகிறது.