காதலிக்க நேரமில்லை திரைப்படத்தின் படப்பிடிப்பின் போது எடுத்த புகைப்படங்களை ரைசா வில்சன் பகிர்ந்துள்ளார்.
பிரபல இசையமைப்பாளரும் நடிகருமான ஜி.வி.பிரகாஷ் நடிப்பில் உருவாகி வரும் திரைப்படம் ‘காதலிக்க நேரமில்லை”. இத்திரைப்படத்தில் அவருக்கு ஜோடியாக ரைசா வில்சன் நடிக்கின்றார். இத்திரைப்படத்தை கமல் பிரகாஷ் இயக்க குரு சோமசுந்தரம், யோகி பாபு, கௌசல்யா உள்ளிட்டோர் முக்கிய வேடத்தில் நடித்து வருகிறார்கள். இரண்டு வருடங்களுக்கு முன்பே படப்பிடிப்பு துவங்க பட்ட நிலையில் கொரோனா காரணமாக இடையில் படப்பிடிப்பு நிறுத்தி வைக்கப்பட்டது.
இந்நிலையில் இத்திரைப்படத்தின் படப்பிடிப்பு மீண்டும் தொடங்கிய நிலையில் மூணாறு பகுதியில் விறுவிறுப்பாக நடைபெற்று வருகின்றது. இந்த படப்பிடிப்பில் பழங்காலத்து கார் ஒன்று இடம்பெற்றிருக்கின்றது. இந்தப் படத்தின் படப்பிடிப்பின் போது எடுக்கப்பட்ட புகைப்படங்களை நடிகை ரைசா வில்சன் தனது இன்ஸ்டாகிராம் பக்கத்தில் பகிர்ந்து இருக்கின்றார்.