சூர்யா நடிக்கும் அடுத்த படத்தின் இயக்குனர் குறித்த தகவல் இணையத்தில் வெளியாகியுள்ளது.
தமிழ் சினிமாவில் பிரபல முன்னணி நடிகர்களில் ஒருவராக வலம் வருபவர் சூர்யா. இயக்குனர் பாண்டிராஜ் இயக்கத்தில் இவர் நடிப்பில் சமீபத்தில் வெளியான திரைப்படம் ”எதற்கும் துணிந்தவன்”. சன் பிக்சர்ஸ் தயாரித்துள்ள இந்தத் திரைப்படம் ரசிகர்கள் மத்தியில் நல்ல வரவேற்பு பெற்று வருகிறது. இதனையடுத்து இவர் பாலா இயக்கத்தில் புதிய படத்தில் நடிக்க உள்ளார்.
மேலும், இயக்குனர் வெற்றிமாறன் இயக்கத்தில் ”வாடிவாசல்” படத்திலும் நடிக்க இருக்கிறார். சமீபத்தில், வாடிவாசல் படத்தின் ஷூட்டிங் ஸ்பாட் புகைப்படங்கள் இணையத்தில் வெளியாகி வைரலானது. இந்நிலையில், தற்போது இவர் நடிக்கும் அடுத்த படத்தின் இயக்குனர் மற்றும் இசையமைப்பாளர் குறித்த தகவல் இணையத்தில் வெளியாகியுள்ளது. அதன்படி, இவர் சிறுத்தை சிவா இயக்கத்தில் புதிய படத்தில் நடிக்க இருப்பதாக கூறப்படுகிறது. மேலும், இந்த படத்துக்கு அனிருத் இசையமைக்க இருப்பதாகவும் தகவல்கள் வெளியாகியுள்ளன.