நடிகர் கார்த்தி அடுத்த திரைப்படத்தில் ராஜுமுருகனுடன் இணைந்து பணியாற்ற இருப்பதாக தகவல் வெளியாகியுள்ளது.
தமிழ் சினிமாவின் முன்னணி நடிகராக வளம் வருபவர் கார்த்தி. இவர் பருத்தி வீரன் திரைப்படத்தின் மூலம் சினிமா உலகிற்கு அறிமுகமானார். இவர் தற்போது முத்தையா இயக்குகின்ற விருமன் திரைப்படத்தில் நடித்து வருகின்றார். கதாநாயகியாக இயக்குனர் சங்கரின் மகள் அதிதி சங்கர் நடிக்கின்றார். இப்படத்தின் படப்பிடிப்பு பணிகள் முடிவடைந்துள்ளது. தற்போது இவர் சார்தார் படத்தில் நடித்து வருகின்றார்.
இந்நிலையில் இவரின் அடுத்த திரைப்படம் குறித்த செய்தி வெளியாகி இருக்கின்றது. இயக்குனர் ராஜுமுருகன் இயக்கத்தில் நடிக்க உள்ளார் கார்த்தி. இத்திரைப்படம் குறித்த அறிவிப்பு கடந்த 2020ம் வருடமே வெளியானது. இந்நிலையில் படப்பிடிப்பு வருகின்ற மே மாதம் தொடங்க இருப்பதாக தகவல் வெளியாகி உள்ளது. மேலும் இப்படத்தை ட்ரீம் வாரியர் பிக்சர்ஸ் தயாரிக்கின்றது. கூடிய விரைவில் படத்தின் மற்ற கலைஞர்கள் குறித்த தகவல் வெளியாகும் என எதிர்பார்க்கப்படுகின்றது.