Categories
சென்னை மாவட்ட செய்திகள்

கடற்கரையில்… வாலிபரிடம் செல்போன்கள் பறிப்பு… 2 பேரை அதிரடியாக கைது செய்த போலீஸ்…!!

சென்னையில் கடற்கரையை சுற்றி பார்க்க சென்றவரிடம் இரண்டு வாலிபர்கள் மிரட்டி வழிப்பறியில் ஈடுபட்டுள்ளனர்.

ராமநாதபுரம் மாவட்டம், கடலாடி தாலுகாவைச் சேர்ந்த 23 வயதான மனோகரன் என்பவர் .      சென்னையில் தங்கி வேலை பார்த்து வருகிறார். இவர் நேற்று முன்தினம் மெரினா கடற்கரையை சுற்றி பார்க்க சென்றுள்ளார். அப்போது அங்கு வந்த 2 வாலிபர்கள் மனோகரனை பீர் பாட்டிலால் குத்தி விடுவதாக மிரட்டியுள்ளனர்.

மேலும் மனோகரன் வைத்திருந்த 2 செல்போன்கள், ரூபாய் 700 பணத்தை வழிப்பறி செய்து தப்பி ஓடினர். இதுதொடர்பாக மனோகரன் அண்ணா சதுக்கம் காவல் நிலையத்தில் புகார் செய்துள்ளார். அந்த புகாரின் பேரில் போலீசார் அந்த பகுதியில் இருந்த கண்காணிப்பு கேமரா காட்சிகளை ஆய்வு செய்து விசாரணை நடத்தியுள்ளனர்.

அந்த விசாரணையில் வழிப்பறியில் ஈடுபட்ட நபர்கள் திருவள்ளூர் மாவட்டம் நெமிலிச்சேரி பகுதியைச் சேர்ந்த 21 வயதான அசோக் என்பவரும், மற்றொருவர் 19 வயதான சஞ்சய் ஆகிய 2 பேரும் என்பது விசாரணையில் தெரிய வந்துள்ளது. மேலும் அவர்கள் இரண்டு பேரும் போலீசாரால் கைது செய்யப்பட்டுள்ளனர்.

Categories

Tech |