மகளிர் உலககோப்பை கிரிக்கெட் போட்டியில் நியூசிலாந்து அணிக்கெதிரான ஆட்டத்தில் வெஸ்ட் இண்டீஸ் அணி வெற்றி பெற்றது.
12-வது மகளிர் உலககோப்பை கிரிக்கெட் போட்டி நியூசிலாந்தில் இன்று தொடங்கியது. இந்திய நேரப்படி இன்று காலை 6.30 மணிக்கு தொடங்கிய இப்போட்டியில் இன்றைய ஆட்டத்தில் நியூசிலாந்து- வெஸ்ட் இண்டீஸ் அணிகள் பலப்பரீட்சை நடத்தின. இதில் டாஸ் வென்ற நியூசிலாந்து அணி பந்துவீச்சு தேர்வு செய்தது. அதன்படி முதலில் களமிறங்கிய வெஸ்ட் இண்டீஸ் அணி 50 ஓவர் முடிவில் 9 விக்கெட் இழப்புக்கு 259 ரன்கள் குவித்தது. இதில் அதிகபட்சமாக ஹெய்லி மத்தீவ்ஸ் 119 ரன்கள் குவித்தார். இதன்பிறகு 260 ரன்கள் எடுத்தால் வெற்றி என்ற இலக்குடன் நியூசிலாந்து அணி களமிறங்கியது.
இதில் நியூசிலாந்து அணியின் தொடக்க வீராங்கனையாக களமிறங்கிய சோபி டிவென் சிறப்பாக விளையாடி 108 ரன்னில் ஆட்டமிழந்தார்.இதனால் நியூசிலாந்து அணி எளிதாக வெற்றி பெற்று விடும் என்ற நிலையில் இருந்தது.ஆனால் அடுத்து களமிறங்கிய வீராங்கனைகள் அடுத்தடுத்து அடுத்தது ஆட்டமிழந்து வெளியேறினர். இறுதி ஓவரில் வெற்றி பெற 6 ரன் மட்டும் தேவைப்பட்டது. வெஸ்ட் இண்டீஸ் அணியின் டோட்டின் 2 ரன் மட்டுமே விட்டுக்கொடுத்து 3 விக்கெட் கைப்பற்றினார்.இறுதியாக நியூசிலாந்து அணி அனைத்து விக்கெட் இழப்புக்கு 256 ரன்கள் எடுத்தது.இதனால் 3 ரன்கள் வித்தியாசத்தில் வெஸ்ட் இண்டீஸ் அணி த்ரில் வெற்றி பெற்றது.