நடிகர் சிம்புவின் அடுத்த படத்தில் அவருக்கு வில்லனாக ஃபஹத் ஃபாசில் நடிக்கவுள்ளார்.
தமிழ் திரையுலகில் பிரபல முன்னணி நடிகராக வலம் வருபவர் நடிகர் சிம்பு. இயக்குனர் வெங்கட்பிரபு இயக்கத்தில் இவர் நடிப்பில் சமீபத்தில் வெளியான திரைப்படம் ”மாநாடு”. இந்த திரைப்படம் வசூல் ரீதியாக ரசிகர்களிடையே நல்ல வரவேற்பு பெற்று வெற்றியடைந்தது. இதனைத் தொடர்ந்து வெந்து தணிந்தது காடு, கொரோனா குமார் ஆகிய படங்களில் சிம்பு தற்போது நடித்து வருகிறார். இதற்கிடையில் விஜய் டிவி தொலைக்காட்சியில் பிக்பாஸ் அல்டிமேட் நிகழ்ச்சியின் தொகுப்பாளர் ஆகியுள்ளார்.
இந்நிலையில் சிம்பு நடிப்பில் கௌதம் மேனன் இயக்கி வரும் வெந்து தணிந்தது காடு படத்தின் படப்பிடிப்பு இறுதி கட்டத்தை எட்டியுள்ளது. மேலும் ஏப்ரல் மாதம் இப்படம் வெளியாகும் என எதிர்பார்க்கப்படுகிறது. இதனைத் தொடர்ந்து சிம்பு நடிக்கவிருக்கும் கொரோனா குமார் திரைப்படத்தை வேல்ஸ் நிறுவனம் தயாரிப்பில் கோகுல் இயக்கவுள்ளார். இந்த திரைப்படம் இதற்குதானே ஆசைப்பட்டாய் பாலகுமாரா படத்தின் தொடர்ச்சியாக உருவாக்கியுள்ளது. இந்நிலையில் கொரோனா குமாரின் படப்பிடிப்பு ஆரம்பமாக உள்ளது.
மேலும் இந்த திரைப்படம் குறித்து இணையதளங்களில் புதிய தகவல் ஒன்று வெளியாகியுள்ளது. அது என்னவென்றால் மலையாள திரையுலகின் முன்னணி நடிகர் ஃபஹத் ஃபாசில் இந்த திரைப்படத்தில் சிம்புவிற்கு வில்லனாக நடிக்க உள்ளதாக தகவல் வெளியாகியுள்ளது. இந்நிலையில் சிம்புவுடன் ஃபஹத் ஃபாசில் நடிக்க உள்ளதால் சிம்பு ரசிகர்களின் எதிர்பார்ப்பை அதிகரித்துள்ளது என்பது குறிப்பிடத்தக்கது