தமிழகத்தில் கடந்த சில நாட்களாக கொரோனா தொற்று பரவல் கணிசமாக குறைந்து வருகிறது. அந்த வகையில் தமிழகத்தில் தினசரி கொரோனா பாதிப்பு 1000-க்கும் கீழ் குறைந்துள்ளது. மாநில சுகாதாரத்துறை வெளியிட்டுள்ள அறிக்கையின் படி, கடந்த 24 மணி நேரத்தில் 949 பேர் கொரோனா தொற்றால் புதிதாக பாதிக்கப்பட்டுள்ளனர். 3 பேர் உயிரிழந்துள்ளனர். 3,172 பேர் குணமடைந்துள்ளனர். 15,938 பேர் சிகிச்சையில் உள்ளனர்.
இதன் காரணமாக ஒட்டுமொத்த பாதிப்பானது 34,44,929 ஆக அதிகரித்துள்ளது. 33,91,011 பேர் இதுவரை கொரோனாவிலிருந்து குணமடைந்துள்ளனர். ஒட்டுமொத்த உயிரிழப்பானது 37,980 ஆக அதிகரித்துள்ளது. அதில் அதிகபட்சமாக சென்னையில் 223 பேர் கடந்த 24 மணி நேரத்தில் புதிதாக பாதிக்கப்பட்டுள்ளனர்.