கால்நடை மருத்துவப் படிப்புகளுக்கான கலந்தாய்வு பிப்ரவரி 28ஆம் தேதி முதல் ஆன்லைன்களில் பதிவு செய்யலாம் என மாணவர்களுக்கு அறிவிக்கப்பட்டுள்ளது.
கால்நடை மருத்துவப் படிப்புகளுக்கான கலந்தாய்வு பிப்ரவரி 24-ஆம் தேதி தொடங்கும் என அறிவிக்கப்பட்டுள்ளது. இந்த கலந்தாய்வில் பி.வி.எஸ்சி படிப்பிற்கான சேர்க்கையில் 7.5% அரசு சிறப்பு இட ஒதுக்கீட்டு மாணவர்களுக்கான கலந்தாய்வு முதல் நாளான 24-ஆம் தேதி நடைபெறும். இதனை தொடர்ந்து விளையாட்டு வீரர்கள், முன்னாள் ராணுவ வீரர்களின் வாரிசுகள் ஆகியோருக்கான கலந்தாய்வு 25ஆம் தேதி நடைபெறும். மேலும் ஆன்லைன்களில் கால்நடை மருத்துவ படிப்பிற்கான பொதுப்பிரிவு கலந்தாய்வு பிப்ரவரி 28ஆம் தேதி முதல் மார்ச் 5 ஆம் தேதி வரை நடைபெறும்.
இந்நிலையில் மாணவர்கள் ஆன்லைன் மூலம் பிப்ரவரி 28ஆம் தேதி பொதுப்பிரிவு கலந்தாய்விற்கு பதிவு செய்ய வேண்டும். இதன் பின்பு விருப்பப்பட்ட பாடப்பிரிவுகளை தேர்வு செய்தல் மற்றும் கல்லூரி ஆகியவற்றை மார்ச் 3ம் தேதி மாலை 5 மணி வரை பதிவு செய்யலாம் என தெரிவிக்கப்பட்டுள்ளது. இது பற்றிய விவரங்களை மேலும் அறிய www.tanuvas.ac.in என்ற இணையதளம் மூலம் மாணவர்கள் அறிந்து கொள்ளலாம் என அறிவிக்கப்பட்டுள்ளது