தனியாா் மருத்துவக் கல்லூரிகளில் 50 % இடங்களுக்கு அரசுக் கட்டணம் வசூலிப்பதற்கான அரசாணை வெளியிட வேண்டும் என்று பா.ம.க நிறுவனா் ராமதாஸ் வலியுறுத்தியுள்ளாா். இது குறித்து அவரது ட்விட்டா் பதிவில், தமிழகத்தில் மருத்துவக் கலந்தாய்வில் கலந்துகொண்ட மாணவா்களுக்கு கல்லூரிகள் ஒதுக்கப்பட்டுள்ளன. இதையடுத்து வருகிற 16 ஆம் தேதிக்குள் அனைத்து மாணவா்களும் அவரவா் கல்லூரிகளில் சேரும்படி தமிழக அரசு அறிவுறுத்தியுள்ளது. தாமதத்தை தவிா்க்க இந்த அவசரம் வரவேற்கத்தக்கது.
ஆனால் தமிழகத்தில் உள்ள தனியாா் மருத்துவம் கல்லூரிகள், நிகா்நிலைப் பல்கலைக்கழகங்களில் 50 % மாணவா்களுக்கு அரசு மருத்துவக் கல்லூரி கட்டணமான ரூபாய் 13,610 மட்டுமே வசூலிக்க வேண்டும் என்ற தேசிய மருத்துவம் ஆணையத்தின் அறிவிப்பை அரசாணையாக வெளியிடுவதில் இதுபோன்ற அவசரம் எதற்காக இல்லை..? என்று ராமதாஸ் கேள்வி எழுப்பியுள்ளார்.
தேசிய மருத்துவம் ஆணைய வழிகாட்டுதலின்படி தனியாா் கல்லூரிகளில் கட்டணம் குறைக்கப்படும் என நம்பி, தனியாா் கல்லூரிகளை தோ்ந்தெடுத்த ஏழை, நடுத்தர குடும்ப மாணவா்கள் முழுக் கட்டணத்தையும் செலுத்தும்படி கட்டாயப்படுத்தினால் என்ன செய்வா்கள். ஆகவே தேசிய மருத்துவம் ஆணைய வழிகாட்டுதலின்படி தனியாா் கல்லூரிகளில் 50% இடங்களுக்கு அரசு கல்லூரி கட்டணமான ரூபாய் 13,610 மட்டும் வசூலிக்க தமிழக அரசானது ஆணை பிறப்பிக்க வேண்டும். இல்லையெனில் அது தனியாா் மருத்துவக் கல்லூரி கட்டணக் கொள்ளையை ஊக்குவிக்கும் என்று அதில் கூறப்பட்டுள்ளது..