இயக்குனர் மோகன் ராஜா தனது குடும்பத்துடன் எடுத்துக்கொண்ட புகைப்படம் தற்போது வெளியாகியுள்ளது.
மோகன் ராஜா திரைப்பட இயக்குனர் ஆவார். இவர் திரைப்படத் தொகுப்பாளர் மோகனின் மகனும், நடிகர் ஜெயம் ரவியின் அண்ணனும் ஆவார். ஜெயம் படத்தின் மூலம் தமிழ் திரையுலகில் இயக்குனராக அறிமுகமான இவர். இப்படத்தை தொடர்ந்து சில திரைப்படங்களை ரீமேக் செய்து ஹிட் படங்களை கொடுத்து வந்தார். ஆனால் கடந்த 2015ஆம் ஆண்டு ஜெயம் ரவி நடிப்பில் வெளிவந்த தனி ஒருவன் திரைப்படம் தான் மோகன் ராஜாவிற்கு மிகப்பெரும் வெற்றியை தேடித்தந்தது.
மேலும் அதைத் தொடர்ந்து வேலைக்காரன் படமும் மற்றொரு வெற்றியை தேடிக் கொடுத்தது. தற்போது தெலுங்கில் உருவாகி வரும் சிரஞ்சீவியின் படத்தை இயக்கி வருகிறார். இந்நிலையில் மோகன் ராஜா தனது மனைவி மகன் மற்றும் மகளுடன் எடுத்துக் கொண்ட அழகிய புகைப்படம் தற்போது வெளியாகியுள்ளது.