பிரபல இயக்குனரான அட்லீ ஜெய், ஆர்யா, நஸ்ரியா, நயன்தாரா உள்ளிட்ட நட்சத்திரங்களை கொண்டு “ராஜா ராணி” படத்தை இயக்கி இருந்தார். இந்த படம் மெகா ஹிட்டாகி ரசிகர்களின் கவனத்தை ஈர்த்தது. அதனை தொடர்ந்து அட்லீ விஜய்யை வைத்து தெறி, பிகில், மெர்சல் உள்ளிட்ட படங்களை இயக்கி இந்தியா முழுவதும் பிரபலமானார்.
இந்நிலையில் அட்லீ பாலிவுட் சூப்பர் ஸ்டாரான ஷாருக்கான் நடிக்கும் படத்தினை தற்போது இயக்கி வருகிறார். அதனைத் தொடர்ந்து அடுத்த படத்தை அட்லீ, அல்லு அர்ஜுன் நடிப்பில் இயக்க இருப்பதாக தகவல்கள் வெளியாகியுள்ளது.
அதாவது அண்மையில் அட்லீ நடிகர் அல்லு அர்ஜுனை சந்தித்து ஒரு கதை கூறினாராம். அது அல்லு அர்ஜுனுக்கு மிகவும் பிடித்து போனதால் அட்லீயை அடுத்த படத்தின் இயக்குனராக அல்லு அர்ஜுன் தேர்ந்தெடுத்துள்ளதாக தகவல் வெளிவந்துள்ளது.