ஆர்ஆர்ஆர் படத்தில் சில நிமிட காட்சிகளில் நடிப்பதற்காக பாலிவுட் நட்சத்திரங்களான அஜய் தேவ்கன் மற்றும் ஆலியா பட் பல கோடிகளை சம்பளமாக பெற்றுள்ளது தெரியவந்துள்ளது.
எஸ்.எஸ் ராஜமவுலி இயக்கத்தில் உருவாகியுள்ள படம் ஆர்ஆர்ஆர். இந்தப் படத்தில் ஜூனியர் என்டிஆர் மற்றும் ராம் சரண் ஆகியோர் நடித்துள்ளனர். மேலும் பாலிவுட் நட்சத்திரங்களான அஜய் தேவ்கன் மற்றும் ஆலியா பட் ஆகியோரும் முக்கிய கதாப்பாத்திரத்தில் நடித்துள்ளனர்.
இந்நிலையில் ஆர்ஆர்ஆர் படத்தில் கேமியோ அப்பியரன்ஸ் கொடுப்பதற்காக அஜய் தேவ்கன் மற்றும் ஆலியா பட் பெற்றுள்ள சம்பளம் குறித்த தகவல் வெளியாகியுள்ளது. அதன்படி சில நிமிட காட்சிகளில் நடிப்பதற்காக நடிகர் அஜய் தேவ்கன் 35 கோடி ரூபாய் சம்பளம் பெற்றுள்ளதாக கூறப்படுகிறது. இதேபோல் நடிகை ஆலியா பட் 9 கோடி ரூபாய் சம்பளம் பெற்றுள்ளதாக தகவல் வெளியாகியுள்ளது. இந்தி மொழியிலும் படம் ரிலீஸ் செய்யப்படவுள்ளதால் அங்கு வசூலை குவிக்க அந்த மொழி நடிகர் தேவை என்பதாலும் இத்தனை கோடிகளை கொடுத்து இவர்களை படக்குழுவினர் நடிக்க வைத்துள்ளனராம்.