‘வீரமே வாகை சூடும்’ படத்தின் புதிய அப்டேட் வெளியாகியுள்ளது.
தமிழ் சினிமாவில் நடிகர் விஷால் முன்னணி நடிகராக வலம் வருகிறார். இவர் நடிப்பில் சமீபத்தில் வெளியான ”எனிமி” திரைப்படம் ரசிகர்களிடையே நல்ல வரவேற்பை பெற்றது. இதனையடுத்து, இவர் இயக்குனர் சரவணன் இயக்கத்தில் ”வீரமே வாகை சூடும்” படத்தில் நடித்துள்ளார்.
மேலும், யுவன் சங்கர் ராஜா இசையமைக்கும் இந்த படத்தில் யோகி பாபு, ரவீனா ரவி, பாரதிகண்ணம்மா புகழ் அகிலன் மற்றும் பலர் நடித்துள்ளனர். சமீபத்தில், இந்த படத்தின் ஃபர்ஸ்ட் லுக் மற்றும் செகண்ட் லுக் போஸ்டர் வெளியாகி நல்ல வரவேற்பை பெற்றது.
இந்நிலையில், இந்த படத்தின் படப்பிடிப்பு முழுவதுமாக நிறைவடைந்து விட்டதாக அதிகாரப்பூர்வ அறிவிப்பு வெளியாகியுள்ளது. மேலும், யுவனின் குரலில் இரண்டாவது பாடலும் விரைவில் ரிலீஸாக இருப்பதாகவும் தெரிவிக்கப்பட்டுள்ளது.