இனி ஆன்லைன் மூலம் சாதி சான்றிதழ் பெறுவது ரொம்ப ஈஸி…. இதோ எளிய வழிமுறை….!!!!

தமிழகத்தில் ஜாதிகள் பட்டியலிலுள்ள குறிப்பிட்ட ஜாதியைச் சேர்ந்தவர் என்பதைக் குறித்து வருவாய்த் துறை அளிக்கும் சான்றிதழே ஜாதிச் சான்றிதழ் ஆகும். இந்த சான்றிதழ் பள்ளிகள் தொடங்கி மற்ற அனைத்திலும் மிக முக்கியமான ஆவணமாக கருதப்படுகிறது. இதற்கு முன்னர் மாவட்ட ஆட்சியர் அலுவலகத்திற்கு சென்று அங்கு கிடைக்கும் இலாபத்தின் மூலமாக இந்த சான்றிதழை நாம் பெற முடியும். தற்போது ஆன்லைன் மூலமாகவே எளிதாக விண்ணப்பித்து நாம் சாதி சான்றிதழை பெற்றுக்கொள்ளலாம். அதற்கான வழிமுறைகளை இந்த பதிவில் விரிவாக காணலாம்.

தேவையான ஆவணங்கள்:

குழந்தையின் ஆதார் அட்டை, தந்தை மற்றும் தாய் ஆதார் அட்டை, குழந்தையின் பிறப்பு சான்றிதழ் , குடும்ப அட்டை, மாற்றுச் சான்றிதழ், பெற்றோரின் இனச் சான்று, புகைப்படம்.

விண்ணப்பிக்கும் வழிமுறை:

• முதலில் https://www.tnesevai.tn.gov.in/ என்ற இணையதள பக்கத்திற்குள் சென்று, சிட்டிசன் லாகின் ஆப்ஷன் மூலம் உள்நுழைய வேண்டும்.
• பிறகு புதிய பயனர் என்பதை தேர்வு செய்து,  அதில் கேட்கும் விவரங்களை பதிவேற்றம் செய்ய வேண்டும்.
• பதிவு செய்யப்பட்ட மொபைல் எண்ணுக்கு ஒரு OTP எண் வரும். அவற்றைக் கொண்டு நீங்கள்  லாகின் செய்ய வேண்டும்.
• இப்பொழுது Department Wise → Revenue Department Option-ஐ கிளிக் பெய்து Community Certificate என்ற Option-ஐ தேர்ந்தெடுக்க வேண்டும்.
• பிறகு  PROCEED என்ற தேர்வை கிளிக் செய்ய வேண்டும்.
• அதன்பிறகு, Register CAN என்ற ஆப்ஷனை க்ளிக் செய்து அதில் கொடுக்கப்பட்டுள்ள விபரங்கள் பூர்த்தி செய்ய வேண்டும்.
• நீங்கள் பதிவு செய்த எண்ணிற்கு CAN Registration Number Message-ஆக வரும். அதை CAN Register கட்டத்தில் பதிவிட வேண்டும்.
•  மீண்டும் ஒரு OTP எண் வரும் அதை, உள்ளிட்டு Proceed ஆப்ஷனை கிளிக் செய்ய வேண்டும்.
• பிறகு  நீங்கள் பதிவேற்றம் செய்த விவரங்கள் வரும், அவற்றை சரிபார்த்து SUBMIT செய்ய வேண்டும்.
• மேலே குறிப்பிட்டுள்ள ஏதேனும் ஒரு ஆவணத்தை ஸ்கேன் செய்து பதிவேற்றம் செய்யவேண்டும்.
• அதன் பிறகு ஒரு Self Declaration Form வரும் அதனை பிரிண்ட் செய்து ஒப்பிட்டு மீண்டும் ஸ்கேன் செய்து பதிவேற்ற வேண்டும்.
• சாதி சான்றிதழ் பெறுவதற்கு அரசு நிர்ணயித்துள்ள ரூ.60 கட்டணத்தை ஆன்லைனில் செலுத்த வேண்டும்.
• உங்களது ஆவணங்கள் அதிகாரிகளால் சரிபார்க்கப்பட்ட பிறகு உங்களது தொலைப்பேசிக்கு குறுஞ்செய்தி வரும்.
•  இதே இணையதளத்தில் உங்களது பயனர் ஐடி மற்றும் பாஸ்வேர்ட் கொடுத்து உள்நுழைந்து சான்றிதழை பதிவிறக்கம் செய்து கொள்ளலாம்.