தமிழ் திரையுலகில் பிரபல நடிகர்களில் ஒருவரான தனுஷ் தமிழ் சினிமாவில் எந்த நடிகரும் செய்யாத சாதனையை தொடர்ந்து செய்து கொண்டே வருகிறார். ஹிந்தியில் ராஞ்சனா, ஷமிதாப் படங்களை தொடர்ந்து அக்ஷய் குமாருடன் இணைந்து தனுஷ் நடித்துள்ள படம் அட்ராங்கி ரே. ஆனந்த் எல்.ராய் இந்த படத்தை தயாரித்துள்ளார். ஏ.ஆர் ரகுமான் இசையமைத்துள்ளார்.
கிறிஸ்துமஸ் பண்டிகையை முன்னிட்டு ஹாட்ஸ்டார் OTT தளத்தில் இந்த படம் வெளியாகியுள்ளது. அட்ராங்கி ரே படத்திற்கு ரசிகர்கள் மத்தியில் நல்ல வரவேற்பு கிடைத்துள்ளது. தனுஷின் நடிப்பிற்கும் பாராட்டுக்கள் குவிந்து வருகிறது. இந்த நிலையில் OTT தளங்களில் இதுவரை வெளியான படங்களில் முதல் நாளிலேயே ஏராளமானோர் பார்க்கப்பட்ட பட வரிசையில் இந்த படம் முதலிடத்தை பிடித்து இருப்பதாக தெரிவிக்கப்பட்டுள்ளது.