19 மருத்துவ படிப்புகளுக்கு தரவரிசை பட்டியல் இன்று வெளியிடப்பட்டுள்ள நிலையில் நாளை முதல் மருத்துவ கலந்தாய்வு தொடங்குகிறது.
தமிழகத்தில் உள்ள 19 அரசு மருத்துவக் கல்லூரிகளில் மருத்துவம் சார்ந்த 19 படிப்புகளுக்கு மாணவ மாணவிகள் சேர்க்கைகள் தொடங்கியுள்ளது. பி.எஸ்.சி. நர்சிங், பி.பார்ம், பி.பி.டி., பி.ஓ.டி., பி.எஸ்.சி. ரேடியோகிராபி, ரேடியோதெரபி, பி.எஸ்.சி. கார்டியாக் டெக்னாலஜி உள்ளிட்ட 19 மருத்துவ படிப்புகளுக்கான தரவரிசைப் பட்டியல் இன்று வெளியானது. அரசு மருத்துவக் கல்லூரிகளில் 2,276 இடங்களும், தனியார் சுயநிதி மருத்துவக் கல்லூரிகளில் 13,832 இடங்களும் உள்ளன.
இந்த இடங்களுக்கான கலந்தாய்வு நாளை தொடங்குகிறது. பிஎஸ்சி நர்சிங் படிப்பில் அரசு கல்லூரியில் 250 இடங்களும், தனியார் கல்லூரிகளில் 7,850 இடங்களும் உள்ளன. இந்த இடங்களை நிரப்புவதற்கான சிறப்பு பிரிவு கலந்தாய்வு நாளை நடைபெறுகின்றது. நாளை மறுநாள், பொதுப்பிரிவு கலந்தாய்வு நடைபெறுகின்றது. மருத்துவம் சார்ந்த பட்டப்படிப்பில் சேர 64,900 விண்ணப்பங்கள் இணைய தளம் வழியாக பெறப்படும். மருத்துவம் சார்ந்த பட்டப்படிப்புகளுக்கு 13,832 இடங்கள் உள்ளன. இவற்றின் முழு விவரங்கள் www.tnhealth.tn.gov.in மற்றும் www.tnmedicalselection.org இணைய தளங்களில் வெளியிடப்படும் என்று மருத்துவ மாணவர் சேர்க்கை செயலாளர் டாக்டர் வசந்தாமணி தெரிவித்தார்.